اقتوبە قالاسىنا جاڭا اكىم تاعايىندالدى

40 جاستاعى ءى. يسپانوۆ قازمبا جانىنداعى نارىق ينستيتۋتىنىڭ، لوندون ەكونوميكا جانە ساياساتتانۋ عىلىمدارى مەكتەبىنىڭ، ر ف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ تۇلەگى. ەكونوميست ماماندىعىن العان جانە مەملەكەتتىك جانە جەرگىلىكتى باسقارۋ ماگيسترى.

يسپانوۆ ەڭبەك جولىن 1993 -جىلى «اق باستاۋ» ا ب سارى اعاش اۋداندىق فيليالىندا ەسەپشى بولىپ باستاعان. كەيىنگى جىلدارى ق ر قارجى مينيسترلىگى نەسيەسىن اكىمشىلىگى جونىندەگى كوميتەت ءتوراعاسىنىڭ ءبىرىنشى ورىنباسارى، ق ر باس پروكۋراتۋراسى قارجى، اقپاراتتاندىرۋ، اقپاراتتىق رەسۋرستاردى قورعاۋ دەپارتامەنتىنىڭ باسشىسى قىزمەتتەرىن اتقارعان.

 اقتوبە قالاسىنىڭ اكىمى لاۋازىمىنا تاعايىندالماي تۇرىپ، ق ر جوعارعى سوتى جانىنداعى سوتتاردىڭ قىزمەتىن قامتاماسىز ەتۋ دەپارتامەنتىن باسقارعان.

- ءبىز كادر الماستىرۋ شاراسىن جۇرگىزدىك. 6 اۋداننىڭ اكىمدەرىن اۋىستىردىق. وڭىرىمىزدە العاش رەت ايەل اۋداندى باسقارۋعا كەلدى. وبلىستا كادر جەتىسپەيدى، اسىرەسە كانديدات تاڭداۋ كەزىندە وسى ماسەلەمەن بەتپە-بەت كەلدىك. ا كورپۋسىنىڭ رەزەرۆى جوق، بۇل جولى دا ولارعا سەنىم ارتا وتىرىپ، كادر الماستىردىق. ولار ءبىزدىڭ سەنىمىمىزدى اقتايدى دەپ ۇمىتتەنەمىن، - دەدى وبلىس اكىمى ب. ساپاربايەۆ.

اقتوبەنىڭ بۇرىنعى اكىمى بەكبول ساعىن وزگە جۇمىسقا اۋىسۋىنا بايلانىستى ورنىنان بوساتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى