توقتار مەن بەيبىت ارىپتەستەرىنە بولا ونەردەن كەتپەك
بۇل تۋرالى 31 - ارناعا حابارلايدى.
توقتار مەن بەيبىت ەگىزدەرى دۇنيەگە كەلگەلى حالىققا كورىنبەي ءجۇر. بەيبىت ءۇش ۇلىنا قارايلاسا، توقتار گيتاراسىن جەكە كاسىپكە ايىرباستاعان. الايدا انشىلەردىڭ حالىققا كورىنبەۋىنىڭ تاعى ءبىر سەبەبى بار. ول - سىرعا تاعىپ، شاشىن بوياپ، جىرتىق كيىم كيگەن ارىپتەستەرى مەن ولاردى قورعاعان اعا بۋىنعا دەگەن رەنىشى.
«مەندە سىلتاۋ جوق. ءتىپتى نە ايتارىمدى دا بىلمەيمىن. كىشىگىرىم كاسىپتى قولعا الىپ، بۇگىندە مال شارۋشىلىعىمەن، ارنايى تەحنيكالار ازىرلەۋمەن اينالىسىپ ءجۇرمىن. الداعى ۋاقىتتا ەگىن شارۋاشىلىعىمەن دە اينالىسپاقپىن. ادام بولعان سوڭ بىرنارسەمەن توقتاپ قالۋعا بولمايدى. دۇنيەدەگى جالقاۋ ادامنىڭ تاڭى مەن كەشى بىردەي. كۇننىڭ قالاي ءوتىپ جاتقانىن بىلمەي قالادى. اراسىندا تىرلىك جاساپ قالۋى كەرەك.
بالا- شاعام مەنىڭ ارقامدا ءومىر سۇرسە دەپ ارماندايمىن. الەمنىڭ ەڭ مىقتى ج و و - لارىندا ءبىلىم الىپ، قازاق دەيتىن حالىققا سۇبەلى ۇلەس قوساتىن ادام بولۋ. وسىلار ءۇشىن قىزمەت ەتەمىن. بيزنەسپەن اينالىسىپ جۇرگەنىمدى ەش جاسىرمايمىن. ونى ارىپتەستەرىمنىڭ بارلىعى بىلەدى"، - دەيدى توقتار سەرىكوۆ.
ءانشى سىلتاۋىم جوق دەسە دە، حالىق الدىنا شىعىپ ونەر كورسەتپەۋىنىڭ تاعى ءبىر سەبەبى بار. اسىرەسە جاس بۋىنعا "ادۆوكاتشىل" بولا قالاتىن بۋىنعا وكپەلەپ جۇرگەنىن كەسىپ ايتتى.
«كيەلى ساحنامىزدا شاشىن بوياپ، قۇلاقتارىنا سىرعا سالىپ، اۋلارى سالاقتاعان انشىلەر قاپتاپ كەتتى. سولاردان جيىركەنگەننەن كەتكىم كەلەدى، كەتىپ بارامىن. قۇلاقتارىنا سىرعا سالاتىن باۋىرلارىم، استاعفيرۋللاح ولار مەنىڭ باۋىرلارىم ەمەس.
باۋىرلارىم بولماي- اق قويسىن. بۇدان وزگە تىزەسى جىرتىق كيىم كيەتىن قارىنداستارىم بار. سولاردى كورگەن كەزدە ساحنادان كەتكىم كەلەدى. قازاق ساحناسى ولاردى مەنسىنبەۋى كەرەك. سولاردى جاقتاعان اعا- اپالارىما وكپەلىمىن"، - دەيدى ءانشى.
