قالاسام دا، قالاماسام دا، مەنى حالىق تۇڭعىش پرەزيدەنت ەتىپ سايلادى - ن. نازاربايەۆ
«قۇرمەتتى حالايىق! كوپ ۇلتتى رەسپۋبليكامىزدىڭ حالقىنا قالتقىسىز قىزمەت ەتۋگە، قازاق رەسپۋبليكاسى كونستيتۋتسياسىن قاتاڭ ساقتاۋعا، ازاماتتاردىڭ قۇقىلارى مەن بوستاندىقتارىنا كەپىلدىك بەرۋگە، وزىمە جۇكتەلگەن قازاق رەسپۋبليكاسى پرەزيدەنتىنىڭ مارتەبەلى مىندەتتەرىن ادال ورىنداۋعا سالتاناتتى تۇردە انت ەتەمىن»، - دەگەن مەملەكەت باسشىسى.
ن. نازاربايەۆ پرەزيدەنتتىككە كانديداتۋراسىن ۇسىنسا دا، بويىندا قورقىنىش بولعانىن جاسىرمادى.
«مەنى ەلىمىزدىڭ تۇڭعىش پرەزيدەنتى ەتىپ سايلادى. كانديداتۋرامدى العان جوقپىن، ياعني، مەنىڭ قالاۋىم سول بولدى، بۇل ماعان ۇنادى. ءبىراق، قورقىنىش تا بولدا. سەبەبى، وداق ىدىراپ، ەل قايدا بارارىن بىلمەي، نە ىستەرىن بىلمەي، سەرگەلدەڭ كۇيگە ءتۇستى. ەلدە ءبارى توقتاپ قالدى. ەكونوميكا جۇمىس ىستەمەدى. سوندا، حالىق اراسىنا كەلە جاتىپ، نە ايتاتىنىمدى ويلايتىنمىن. ءبىراق، ايتىپ قانا قويماي، ءبىر شارا جاساۋ كەرەك ەدى»، - دەگەن مەملەكەت باسشىسى.
نۇرسۇلتان نازاربايەۆتىڭ ەڭ ءبىرىنشى كىرىسكەن جۇمىسى - حالىققا الەۋمەتتىك جاردەماقى مەن جالاقانى ۋاقىتىلى تولەۋ بولدى. ياعني، ەكونوميكانى توقتاپ تۇرعان ورنىنان قوزعالتۋ ءۇشىن پرەزيدەنت، دەرەكتى فيلمدە ايتىپ وتىرعانداي، مىقتى دەگەن مامانداردى جيناپ، قازاقستاننىڭ دامۋ جوسپارىن مويىن بۇرماستان، ساعاتتاپ وتىرىپ ازىرلەگەن ەكەن.
