كىشكەنتاي ۇشاق اپاتقا ۇشىراپ، ەكى ادام قازا تاپتى
بۇل تۋرالى CTV تەلەارناسى حابارلادى.
تەلەارناعا سىلتەمە جاساعان پوليتسيا مالىمەتتەرىنشە، Piper-PA 28-140 ماركالى ۇشاق ۇشقان بويدا لينكرەست اۋەجايىنىڭ قاسىندا اپاتقا ۇشىراعان. ونىڭ بورتىنداعى ەكى ادام قازا بولدى. ولاردىڭ كىم ەكەندىگى ايتىلعان جوق، دەپ حابارلادى ت ا س س.
بەلگىلى بولعانداي، ۇشاق 20 جىل بۇرىن شىعارىلعان جانە تەحنيكالىق جاي-كۇيى جاقسى بولعان. نۇسقالاردىڭ بىرىندە قايعىلى وقيعا ۇشقىشتىڭ قاتەلىگىنەن بولعاندىعى ايتىلادى. ۆيننيپەگ اۋە كەمەلەرى رەكرەاتسيالىق قاۋىمداستىعىنىڭ پرەزيدەنتى دجيم وۋكتىڭ ايتۋىنشا، ماشينانى جۇمىسىن جاڭادان باستاعان ۇشقىش باسقارعان. توتەنشە جاعدايدى تەرگەۋ شارالارى باستالدى.
