لوندون: ونداعان مىڭ ادام شەرۋگە شىقتى
23- ماۋسىمداعى رەفەرەندۋمنەن كەيىنگى ەڭ بۇقارالىق قارسىلىق اكتسياسىنىڭ قاتىسۋشىلارى پارلامەنت ەلدىڭ ە و- دان شىعۋىن بولدىرماۋعا ىقپال ەتەدى دەپ ۇمىتتەنۋدە.
«ەۋروپا ءۇشىن شەرۋ» قاتىسۋشىلارى گايد-پارك شەكاراسىندا جينالىپ، ءۇش شاقىرىمدىق جول باعىتپەن ۇكىمەت عيماراتىنىڭ قاسىنان پارلامەنتكە بەت الدى. پارلامەنت جانىندا ميتينگ-كونسەرت جوسپارلانعان، دەپ حابارلادى BBC.
«ءبىز «برەكسيتتى» توقتاتا الامىز./.../ ءبىز پارلامەنتى اقىلعا قونىمدى شەشىم قابىلداپ «برەكسيتتى» قايتا قاراۋ ءۇشىن قاجەتتى نارسەنىڭ بارىمەن قارۋلاندىرا الامىز. وكىمەت قايتكەندە دە حالىقتىڭ قولىندا جانە ءبىز نەمقۇرايدى بولماساق جانە ۇيىمداسا بىلسەك، جاعدايدى وزگەرتە الامىز»، - دەلىنگەن «فەيسبۋكتىڭ» شەرۋ پاراقشاسىندا.
الدىمەن، 23- ماۋسىمداعى رەفەرەندۋمنەن كەيىن ەكى باستاماشىل توپ - قاراپايىم ازاماتتار ادامداردى ەكى قارسىلىق مارشىن ءبىر جول باعىتپەن ءبىر مەزگىلدە وتكىزۋگە شاقىردى. شەرۋگە دەيىنگى ەكى كۇن ىشىندە ولار توپتاسىپ، ەكى پاراقشانى دا «March For Europe» (ەۋروپا ءۇشىن شەرۋ) دەپ اتادى.
ەكىنشى پاراقشادا شەرۋدىڭ سوڭعى پۋنكتىندە، پارلامەنت جانىندا ميتينگ-كونسەرت وتەتىنىن، وندا ساياساتكەرلەر عانا ەمەس، مۋزىكانتتار مەن اقىندار دا ءسوز سويلەيتىنىن حابارلادى.
جوسپارلانعان شاراعا الەۋمەتتىك جەلىلەردىڭ 34 مىڭ پايدالانۋشىلارى قاتىساتىنىن ءبىلدىردى، الايدا مارشقا ودان دا كوپ ادام قاتىسىپ جاتقان ءتارىزدى.
سەيسەنبى كۇنى لوندوننىڭ ورتالىعىندا العاشقى جارتىلاي ستيحيالى ە و- دان شىعۋعا قارسى العاشقى ميتينگ ءوتتى. ميتينگىگە قاتىسۋشىلار ترافالگار الاڭىنا جينالدى، ودان كەيىن پارلامەنتكە قاراي اۋىستى.
بريتانيا تۇرعىندارىنىڭ كوپشىلىگى ەۋرووداقتان شىعۋعا داۋىس بەرگەن بولاتىن.
كەلەسى كۇنى رەفەرەندۋم قورىتىندىسى جاريالانعاننان كەيىن قايتا داۋىس بەرۋ وتكىزۋدى تالاپ ەتكەن پەتيتسياعا 2 ميلليوننان استام ادام قول قويدى، بۇگىنگى كۇنى - ولاردىڭ سانى 4 ميلليوننان استى.
