قىتايدا قازاقستاننىڭ شاڭحاي ىنتىماقتاستىق ۇيىمىنا ءتوراعالىعىنا تانىمال «ۆەيبو» الەۋمەتتىك جەلىسى اقپاراتتىق قولداۋ كورسەتەدى
كەلىسىم قازاقستاننىڭ 2016-2017 -جىلدارى ش ى ۇ- عا ءتوراعالىعىن تانىستىرۋعا ارنالعان دوڭگەلەك ۇستەل ۇستىندە جاسالدى.
قۇجاتقا شاڭحاي ىنتىماقتاستىق ۇيىمى حاتشىلىعى تاراپىنان ۇيىمنىڭ باس حاتشىسى راشيد اليموۆ، ال «ۆەيبو» كومپانياسى تاراپىنان باس ديرەكتور ۆان گاوفەي قول قويدى. وسى ءسات اتالعان الەۋمەتتىك جەلىدە ونلاين رەجيمدە ترانسلياتسيالاندى.
«ۆەيبو» كومپانياسىنىڭ باس ديرەكتورى ۆان گاوفەي اتالعان الەۋمەتتىك جەلىدە ش ى ۇ رەسمي پاراقشاسىنىڭ، سونداي- اق ق ح ر- داعى قازاقستان مەن رەسەيدىڭ ديپلوماتيالىق وكىلدىگىنىڭ تانىمال ەكەندىگىن اتاپ ءوتتى.
دوڭگەلەك ۇستەلگە قازاقستان مەن قىتايدىڭ مينيسترلىكتەرى مەن ۆەدومستۆولارىنىڭ جوعارعى وكىلدەرى، بەيجىڭدە اككرەديتتەلگەن ش ى ۇ- عا مۇشە ەلدەر ەلشىلىگىنىڭ ەلشىلەرى مەن ديپلوماتتارى، ق ح ر عىلىمي- زەرتتەۋ ورتالىقتارىنىڭ باسشىلارى جانە باسقا دا قىتايدىڭ ساراپشىلىق قوعامداستىعىنىڭ وكىلدەرى قاتىستى.
قازاقستان رەسپۋبليكاسى - شاڭحاي ىنتىماقتاستىق ۇيىمىنىڭ نەگىزىن قالاۋشى مەملەكەت. بۇعان دەيىن ءبىزدىڭ ەلىمىز ەكى رەت اتالعان ۇيىمعا ءتوراعالىق ەتكەن (2005 -جىلى جانە 2011 -جىلى).
