قورعاس حالىقارالىق شەكارالىق سەرىكتەستىك ورتالىعىنىڭ قازاقستاندىق بولىگىندە العاشقى ينۆەستيتسيالىق نىسان اشىلدى

ونىڭ اشىلۋ سالتاناتىنا «قازاقستان تەمىر جولى» ۇ ك» ا ق، الماتى وبلىسى اكىمدىگى، قورعاس قالاسى حالىق ۇكىمەتىنىڭ وكىلدەرى قاتىستى.

«قورعاس» حالىقارالىق شەكارالىق سەرىكتەستىك ورتالىعى قازاقستان مەن قىتاي مەملەكەت باسشىلارىنىڭ شەكارالىق ساۋدا- ەكونوميكالىق، عىلىمي- تەحنيكالىق، مادەني سەرىكتەستىك ورناتۋ باستاماشىلىعىنان تۋىندادى.

العاشقى ينۆەستيتسيالىق نىسان اشىلۋىندا «ق ت ج» ۇ ك» ا ق ۆيتسە-پرەزيدەنتى قانات الپىسبايەۆ ءسوز سويلەدى.

«قورعاس- شىعىس قاقپاسى» ا ە ا» «نۇرلى جول» باعدارلاماسى مەن «ءبىر بەلدەۋ- ءبىر جول» قىتايلىق ستراتەگيالىق ماقساتىنا ارنالعان ماڭىزدى جوبالاردىڭ نەگىزى بولىگى سانالادى»، - دەپ اتاپ ءوتتى ول.

ونىڭ ايتۋىنشا، «سامۇرىق ورتالىق الاڭى» ينۆەستيتسيالىق نىسانىنىڭ اشىلۋى ق ر مەن ق ح ر اراسىنداعى ساۋدا مەن ەكونوميكانىڭ دامۋىنا ىقپال ەتەدى. ەۋروپا مەن ازيا اراسىنداعى ساۋدا اعىنىنىڭ، پانفيلوۆ اۋدانىنىڭ ەۋرازيالىق قۇرلىقتاعى سۋەتسك كانالى ىسپەتتى مىندەتتى اتقارۋىنا مۇمكىندىك تۋادى.

قورعاس (ق ح ر) قالاسى پارتيا ۇيىمىنىڭ حاتشىسى ۆان گان قىتايدا «قورعاس» ح ش س و تانىمالدىعى ارتىپ» كەلە جاتقاندىعىن، اسپاناستى تۇتىنۋشىلارىنىڭ بۇل وڭىرگە كەلۋىنىڭ جيىلەگەندىگىن اتاپ ءوتتى. ورتالىقتا ونىڭ قىزمەتىن جەتىلدىرە تۇسەتىن نىساندار جەدەل قۇرىلىسى جۇزەگە اسىرىلۋدا.

بۇگىنگى تاڭدا قىتاي تاراپىنان ورتالىق قىزمەتىمەن 7,62 ميلليون ادام تانىسقان بولسا، قازاقستان تارابىنان 1,26 ميلليون ادام تانىسقان.

العاشقى ينۆەستيتسيالىق جوبا تسزيانسۋ پروۆينتسياسى قاتىسۋىمەن جانە «قورعاس- شىعىس قاقپاسى» ا ە ا سەرىكتەستىگىمەن جۇزەگە اسىرىلۋدا. نىساندا 8000 شارشى مەترلىك ەكى ساۋدا بولىگى بار. وندا شاعىن الاڭشالارىندا قازاقستاندىق جانە شەتەلدىك كونديتەرلىك تاعامدار، نان ونىمدەرى، تەمەكى، اراق- شاراپتارىنىڭ ءتۇر- تۇرلەرى قويىلعان.

«قورعاس» ح ش س و قازاقستاندىق بولىگىندە تاعى دا 56 ينۆەستيتسيالىق نىساندى قولعا الۋ جوسپارلانىپ وتىر. ونىڭ ىشىندە ورتالىق الاڭ، قولونەر شەبەرلەرىنىڭ قالاشىعى، كونگرەسس حولل، 4 ساۋدا گالەرەياسى، اشىق بازار، ساۋىقتىرۋ ورتالىعى، ساۋدا الاڭى، 3 ساۋدا ءۇيى بوي كوتەرەدى.

«قورعاس» ح ش س و قازاقستان- قىتاي بىرلەسكەن جوباسى بولىپ سانالادى. ول قازاقستان مەن قىتايدىڭ شەكاراسىنىڭ تۇيىسكەن تۇسىنا ورنالاسقان. جالپى اۋماعى - 560 گەكتار. ورتالىق ەكى بولىكتەن قازاقستاندىق بولىگى - 210 گەكتار، قىتايلىق بولىگى - 343 گەكتاردان تۇرادى.

شەكارالىق سەرىكتەستىك ايماعىن قۇرۋ قازاقستان مەن قىتاي جانە ءۇشىنشى ەلدەردىڭ ازماتتارىنىڭ شەكارا ماڭىندا ەركىن قوزعالىسى مەن ۆيزالىق رەسىمدەۋسىز 30 تاۋلىكتىك مەرزىمدە ءجۇرىپ- تۇرۋىنا مۇمكىندىك بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى