ەندى جالدامالى ءۇيدى العاندا ساتىپ الۋ مۇمكىندىگى بولمايدى

«ەندى بولاشاقتا جالدامالى باسپانانى ساتىپ الۋ مۇمكىندىگى بولمايتىنداي ەتىپ جاساۋ كەرەك، ازامات جۇمىس كۇشىنىڭ موبيلدىلىگى بولۋى ءۇشىن ساتىپ الا المايدى، ول باسقا قالاعا كوشۋى مۇمكىن، باسقا وبلىسقا اۋىسۋى مۇمكىن - وزىنە سول كوشىپ بارعان مەكەننەن جالدامالى باسپانا الا الادى. ءبىز مۇنداي جەلىنى قازاقستان بويىنشا جاساۋىمىز كەرەك»، - دەپ مالىمدەدى قازاقستان پرەزيدەنتى.

كەيىن تەلەكوپىر اياقتالعاننان كەيىنگى ۇزىلىستە دوسايەۆ وسى مەحانيزمدى ءتۇسىندىردى. ونىڭ ايتۋىنشا، بۇل مەحانيزمنىڭ كەيىنگى ساتىپ الۋ مۇمكىندىگىمەن كەلىسىمشارت جاساسىپ قويعاندارعا قاتىسى بولمايدى.

«(...) ءار جەرلەردە وزىندىك جالعا بەرۋ قورى قۇرىلاتىنى ايتىلىپ وتىر. سەبەبى ادامدار اۋىسا بەرەتىن بولسا، ءبىز جالدامالى باسپاناعا ۇزدىكسىز قاراجات قۇيۋىمىز كەرەك بولادى. ەگەر ادامدار ءوز تۇرعىن ءۇيىنىڭ جاعدايى جاقسارتقىسى كەلسە، ولار «تۇرعىن ءۇي قۇرىلىس جيناق بانكىنە» كەلەسى دەڭگەيگە وتە الادى ماسەلەن. ال جالدامالى ءۇي باسقا وتباسىلارعا قالادى. بۇل قالىپتى ەۆوليۋتسيالىق فورما. وسى فورمانى نارىقتى ىنتالاندىرۋ ءۇشىن، نارىققا كەلىپ جاتقاندار وسىلاي ىستەۋگە بولاتىنىن ءبىلۋى ءۇشىن تۇڭعىش رەت جاسادىق. جاڭا كەزەڭدە ءبىز جاڭا جالدامالى تۇرعىن ءۇي قورىن قۇرامىز. ماسەلەن جاس وتباسىلار بالالارى بولعاندا باسقا پاتەرگە كوشىپ بارا الاتىنداي بولادى، بىرەۋ مۇلىك العىسى كەلۋى مۇمكىن. جالدامالى قور ءارقاشان جەرگىلىكتى اتقارۋشى ورگانداردا نەمەسە باسقارۋشى كومپانيالاردا بولادى»، - دەدى دوسايەۆ.

سونىمەن قاتار، نازاربايەۆ الداعى 15 جىلدا 1,5 ميلليون وتباسىنى باسپانامەن قامتۋدى تاپسىرعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى