ەلوردادا «ەلباسى الەمى: تۇلعا، ساياساتكەر، جاسامپاز» كورمەسى اشىلدى

مەرەكەلىك شارالار اياسىندا كورمەلەر وتكىزىلۋدە.

ونىڭ ءبىرى - «ەلباسى الەمى: تۇلعا، ساياساتكەر، جاسامپاز» تاقىرىبىنداعى مۇراعات قۇجاتتارى فوتودەرەكتەرىنىڭ كورمەسى.

«بۇكىل حالىق بولىپ مەيرامدى وتكىزۋگە ۇمتىلىپ جاتىر، قازاقستان رەسپۋبليكاسى تۇڭعىش پرەزيدەنتى كىتاپحاناسى بولعاندىقتان، وسى مەرەكەنى

وتكىزۋگە ءوز ۇلەسىمىزدى قوسامىز. بۇل ءبىز ءۇشىن وتە جاقىن مەيرام»، - دەدى ەلباسى كىتاپحاناسى ديرەكتورىنىڭ ورىنباسارى جاپسارباي قۋانىشەۆ.

«اتالعان ءىس- شارالار تاۋەلسىزدىكتىڭ 25 جىلدىعىنا ورايلاستىرىلۋدا. بيىلعى جىلدىڭ ەرەكشەلىگى - بەس كورمە ۇيىمداستىرىپ وتىرمىز. ونىڭ ۇستىنە، قوسىمشا مادەني- كوپشىلىك، سپورتتىق ءىس- شارالاردى دا قوستىق. ەڭ ءبىر ەرەكشەلىگى، وزىمىزدە بار مۇراعات قۇجاتتارىنىڭ، فوتومۇراعات دەرەكتەرىنىڭ نەگىزىندە «ەلباسى الەمى: تۇلعا، ساياساتكەر، جاسامپاز» اتتى كورمە اشتىق. ءقازىر كورمەنى جۇرتشىلىق نازارىنا ۇسىنىپ وتىرمىز. بۇل جەردە ەلباسىنىڭ الەمىن اشامىز: تۇلعا رەتىندە قالاي قالىپتاستى، جاستىق شاعى قالاي ءوتتى، قانداي ورتادا ءوستى، تاربيەلەندى، اكە- شەشەسىنىڭ ىقپالى، وزىندىك تالپىنىسى، جاس كەزىنەن باستاپ ەرەكشەلىگى، دارالىعى، ومىرگە قۇشتارلىعى جانە ت. ب.»، - دەپ اتاپ ءوتتى ج. قۋانىشيەۆ.

كورمەگە ەلباسىنا باسقا شەتەلدىك مەملەكەت باسشىلارى قولتاڭبا قويىپ، سىيعا تارتقان كىتاپتار، قۇتتىقتاۋلار، سۋرەتتەر، جادىگەرلەر قويىلعان.

بەكباۋ تايمانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى