قىتايدىڭ ينتەرنەت-دۇكەندەرىنەن الۋعا بولمايتىن زاتتار

الايدا قىتايدا جاسالعان زاتتاردىڭ بارلىعى بىردەي ساپالى بولا بەرمەيدى.

بۇل تۋرالى Stan.kz حابارلايدى.

قىتاي تاۋارلارىنىڭ تومەن ساپاسى ءۇشىن ودان باس تارتقان ءجون. قىتايدىڭ ينتەرنەت- دۇكەندەرىنەن قانداي زاتتارعا تاپسىرىس بەرۋگە بولمايدى؟

قىتايدىڭ وزىندە ينتەرنەت- دۇكەندەردەن تاپسىرىس بەرگەندەرگە ساپالى تاۋارلار بەرىلەدى. ەگەر ساتىپ الۋشىنىڭ قالاعانىنداي بولماعان 95 پايىز جاعدايدا ساتۋشى تاۋار اقشاسىن قايتارىپ بەرەدى نەمەسە جولداپ جىبەرەدى. ءبىز وسى ماقالامىزدا ينتەرنەت- دۇكەندەرگە تاپسىرىس بەرىپ، الايدا كەدەرگىلەرگە ۇرىنعان ساتىپ الۋشىلار جايلى ايتپاقپىز.

كيىم مەن اياق كيىم

جالپى الىپ قاراعاندا قىتايدا جاسالعان اياق كيىمدەردىڭ كوپشىلىگى ساپالى ءارى بىزگە شاق كەلىپ جاتادى. مۇنىڭ سەبەبى ق ح ر- دا ءىرى برەندتەردىڭ تاپسىرىمەن كيىمدەر ستاندارتقا ساي تىگىلەدى. ال، ينتەرنەت- دۇكەندەردە مۇنداي تالاپتاردىڭ ساقتالۋى ەكىتالاي.

كوپ جاعدايدا داۋ تۋدىراتىن كيىمنىڭ كولەمى. ولار يەۆروپالىق كيىم مولشەرىنەن الدەقايدا كىشى ەتىپ تىگىلەدى. سوندىقتان ساتىپ الار الدىندا ساتۋشىمەن اقىلداسىپ، مۇسىنىڭىزگە كيىمنىڭ ساي كەلەتىنىن سۇراپ العانىڭىز جانە جازىلعان پىكىرلەردى وقىپ العانىڭىز دۇرىس.

سونداي- اق ول كيىمدەردىڭ ساپاسى ناشار بولىپ، جىپتەرى شىعىپ ءجۇرۋى، تىگىسى ءسوتىلىپ كەتۋى، ماتانىڭ دەنەگە جاعىمسىز بولۋى مۇمكىن. قىتايلىقتاردىڭ كوپشىلىگى كيىم ماتالارى تازا تەرىدەن جاسالماعاندىقتان ولاردان جاعىمسىز ءيىس شىعاتىنىن ايتىپ شاعىمدانىپ جاتادى.

تاعى ءبىر ايتا كەتەرلىگى، عالامتوردا جاريالانعان سۋرەت تاۋاردىڭ ءوز تۇرىمەن سايكەس كەلە بەرمەيدى. ول تۋرالى جەلىدە كوپ ايتىلىپ تا ءجۇر.

سۋرەت: fishki.net

ەگەر تاۋار سايكەس كەلمەسە ونىڭ اقشاسىن قايتارىپ بەرۋى مۇمكىن. الايدا، ونى ءوز اقشاڭىزعا جىبەرۋ كەرەك بولادى. ال، كيىمدى بەلگىلى ءبىر كۇنگە، مەرەكەگە نە تويعا ارنايى الدىرعان بولساڭىز، جاعداي قيىنداي تۇسپەك.

سۋرەت: gorodkirov.ru

كوسمەتيكا

فرانسيا كوسمەتيكالارى ەشقاشان ارزان باعاعا قىتالىق ينتەرنەت- دۇكەندەر مەن كوشەدە ساتىلمايدى. ەگەر اتاقتى برەندتىڭ دالابىن 2 دوللارعا كورسەڭىز، ونىڭ جاساندى ەكەنىن بىلە بەرىڭىز. ونىڭ نەدەن جاسالعانىن بىلمەگەندىكتەن دەنەڭىزدە اللەرگيا تۋىپ، قىشۋى مۇمكىن.

بالالار ويىنشىعى

قازاقستاننىڭ ءار قالاسىندا بالالارعا ارنالعان قىتايلىق ويىنشىقتاردى ساتۋعا تىيىم سالىندى. ويتكەنى، قىتايلىق ويىنشىقتاردىڭ بوياۋى اللەرگيا تۋدىرىپ، تىنىس الۋ، باۋىر مەن بۇيرەكتىڭ بۇزىلۋىنا الىپ كەلەدى.

باعالى زاتتار

ينتەرنەت- دۇكەندەردە بۇدان بولەك زەرگەرلىك بۇيىمدار، اتاقتى برەند بۇيىمدارى، القالار مەن سىرعالار، تاستان، تەمىردەن جاسالعان ساندىك زاتتار دا بار.

سولاردىڭ ىشىندە كۇمىس بۇيىم دەگەندەردىڭ تەك سىرتقى بەتى كۇمىستەن قاپتالىپ، سىرعالاردىڭ ىلمەكتەرى سىنىپ، تاستان جاسالعان بۇيىمدارعا پلاستيك قولدانىپ جاتادى.

كولىك قۇرالدارى

بىرىنشىدەن، ساپاسى ناشار بولعاندىقتان العان زاتىڭىز كوپكە شىداماۋى مۇمكىن. اسىرەسە، كولىك شامدارى. ەكىنشىدەن قۇرالداردىڭ كولەمى سايكەس كەلمەۋى مۇمكىن. قۇرالداردىڭ شىققان مەرزىمىنە بايلانىستى كولەمى دە ءار ءتۇرلى بولادى. مامانداردىڭ ايتۋىنشا، تەك ارنايى بازالار مەن قىزمەتتەردە عانا بىرنەشە پارامەترلەر بويىنشا جاسايدى.

شپيوندى گادجەتتەر

كوپ ازاماتتار شپيوندى گادجەتتەردى رۇقساتسىز الۋعا بولمايتىنىن بىلە بەرمەيدى. بۇل دەگەنىمىز بەينەباقىلاۋ كامەراسى بار نەمەسە تىڭداۋ قۇرىلعىسى بار تاۋارلار. بۇل زاڭ بويىنشا جازالانادى. ياعني، بۇل ءۇشىن ءىرى كولەمدە ايىپپۇل تولەۋگە نەمەسە 2 جىلعا دەيىن باس بوستاندىعىنان ايىرۋ جازاسى تاعايىندالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى