الماتىدا تۇڭعىش رەت «ءۇشقوڭىر» مەدرەسە- كوللەدجىنىڭ قىزدار ءبولىمىنىڭ العاشقى تۇلەكتەرىنە كۋالىك بەرىلدى

بۇل مەدرەسە جانىنان قىزدار ءبولىمى 2013 -جىلى باس ءمۇفتي ەرجان قاجى مالعاجى ۇلىنىڭ تاپسىرماسىمەن اشىلعان بولاتىن.

بۇگىن، الماتىدا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان قاجى مالعاجى ۇلى 3 جىل بويى ءدىني جانە زايىرلى ءبىلىم الىپ شىققان «ءۇشقوڭىر» مەدرەسە- كوللەدجى قىزدار ءبولىمىنىڭ العاشقى قارلىعاشتارىنا ارنايى كۋالىك تابىستادى.

شارا بارىسىندا باس ءمۇفتي مەدرەسە- كوللەدجىنىڭ تۇلەكتەرى قولدارىنا العان كۋالىكتەرى ارقىلى باسقا دا جاستار سەكىلدى جوعارعى وقۋ ورىندارىندا بىلىمدەرىن جالعاستىرا الاتىنىن ايتىپ، وركەنيەتتى ەلدەر سياقتى ءدىني ءبىلىم بەرۋ سالاسىنىڭ مەملەكەتپەن تىعىز بايلانىستا جۇمىس جاساۋ كەرەكتىگىن اتاپ ءوتتى.

«بۇگىندە ءدىني باسقارما ءدىني ءبىلىم بەرۋ سالاسىندا جاڭا بەت بۇرىستار جاسادى. سونىڭ ءبىرى - مەدرەسەلەرىمىز كوللەدج ستاتۋسىن الدى. مەدرەسەدەن ءبىلىم الىپ شىققان شاكىرت جوعارعى وقۋ ورنىنا تۇسە الادى جانە مەملەكەتتىك قىزمەتتە زاڭدى تۇردە جۇمىس ىستەي الادى. الەمنىڭ كوپتەگەن وركەنيەتتى ەلدەرىنىڭ ءدىني ءبىلىم بەرۋ سالاسى مەملەكەتپەن تىعىز بايلانىستا جۇمىس جاساپ كەلەدى. ويتكەنى، قاي ۋاقىتتا بولماسىن ءدىني بىلىمگە قوعامنىڭ سۇرانىسى بولعان. ءارى جات اعىم ماسەلەسى دە ءوز شەشىمىن تابادى. مەدرەسە- كوللەدجدەر قوعامدى كوركەيتۋگە، يماندى، ورەسى بيىك جاستاردى تاربيەلەۋگە قىزمەت ەتەدى»، - دەپ اتاپ ءوتتى ەرجان قاجى مالعاجى ۇلى.

ق م د ب باسپا ءسوز قىزمەتىنىڭ حابارلاۋىنشا، 2015 -جىلى كوللەدج مارتەبەسى بەرىلگەن ء«ۇشقوڭىر» مەدرەسەسى 2006 -جىلى الماتى وبلىسىنداعى قاراساي ورتالىق مەشىتىنىڭ جانىنان اشىلعان بولاتىن. بۇگىندە وندا 66 شاكىرت ءبىلىم الادى. ال، بيىل ءدىني جانە زايىرلى ءبىلىم بەرەتىن وسى وقۋ ورنىن 16 ۇل جانە 10 قىز بالا ءبىتىرىپ شىقتى.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى