ا ق ش سوتىندا العاش رەت سويلەيتىن توتىقۇس كۋاگەر بولماق
ميچيگان شتاتىنىڭ تۇرعىنى كريستينا كەللەر سوتتا جاكو توتىقۇسىنان جاۋاپ الۋدى ۇسىنىپ وتىر. 45 جاستاعى مارتين ديۋرامنىڭ ولىمىنە قاتىسى بار دەگەن كۇدىكپەن ونىڭ سوڭعى ايەلى 48 جاستاعى گلەننا ديۋرامعا ايىپ تاعىلىپ وتىر. ءمارتيننىڭ الدىڭعى ايەلى كريستينا بولعان. بۇرىنعى كۇيەۋىنىڭ ولگەنىن ەستىگەن ول وسى قىلمىستى ءوزى اشۋعا تالپىنىپ وتىر.
بىلتىر جازدا ديۋرامدار جانۇياسى تۇرعان ۇيدەن ءمارتيننىڭ ءمايىتى تابىلدى. وعان بەس رەت وق تيگەن. وندا باس جاراقاتىمەن گلەننا دا جاتقان، الايدا دارىگەرلەر ونى قۇتقارىپ قالدى. قازىر ول ايەل ادام ءولتىردى دەگەن كۇدىكپەن تۇرمەدە وتىر. تەرگەۋدە ول كۇدىكتى سەيىلتۋ ءوزىن-ءوزى جاراقاتتاعان. قايعىلى وقيعاعا ەرلى-زايىپتىلار اراسىنداعى ءجيى ورىن الاتىن ۇرىس-كەرىستەر سەبەپ بولعان.
قىلمىس بولعان ۇيدە باد ەسىمدى توتىقۇس قايعىلى وقيعادان كەيىن بىرنەشە اي وتكەن سوڭ ءوز يەلەرىنىڭ داۋىسىنا كەلتىرىپ سويلەي باستاعان. ول ءمارتيننىڭ داۋىسىنا سالىپ «جوعال» دەپ ايتقان، ايەلىنىڭ داۋسىمەن «مەن قايدا بارامىن؟» دەپ، سوڭىندا قۇس يەسىنىڭ «اتپا!» دەگەن ءسوزىن قايتالاعان.
