چىڭ گوپيڭ: قازاقستاننىڭ ب ۇ ۇ ق ك تۇراقتى ەمەس مۇشە بولىپ سايلانۋى - ەلدىڭ وركەندەۋىنىڭ ناتيجەسى
ق ح ر ۇكىمەتى قازاقستان بارلىق قيىنشىلىقتاردان ءوتىپ ورتالىق ازيادا بەيبىتشىلىك پەن تۇراقتىلىقتى قامتاماسىز ەتۋدىڭ نەگىزگى كۇشى بولىپ قالا بەرەتىنىنە سەنىمدى. بۇل تۋرالى ق ح ر تەرروريزممەن كۇرەس جانە قاۋىپسىزدىك ماسەلەلەرى بويىنشا مەملەكەتتىك كوميسسارى «قازاقستان: 25 -جىل بەيبىتشىلىك، قاۋىپسىزدىك جانە دامۋ جولىمەن» اتتى دوڭگەلەك ۇستەلدىڭ ءوتۋى بارىسىندا ق ح ر قاۋىپسىزدىك جانە تەرروريزممەن كۇرەس بويىنشا مەملەكەتتىك كوميسسارى چىڭ گوپيڭ مالىمدەدى.
«تاۋەلسىزدىك العاننان كەيىنگى 25 جىلدا قازاقستان نۇرسۇلتان نازاربايەۆتىڭ باسشىلىعىمەن ءوزىنىڭ دامۋ جولىنان ءوتتى. قازىر ءى ج ءو كورسەتكىشى بويىنشا ت م د ەلدەرى اراسىندا ەكىنشى ورىندا. ءبىر تۇرعىنعا شاققانداعى ءى ج ءو 10 مىڭ دوللاردان اسادى، ياعني ەلدىڭ تابىسى ورتاشا. قازاقستان ن. نازاربايەۆتىڭ باسقارۋىمەن حالىقارالىق ارەنادا ورتالىق ازياداعى تۇراقتى، مىقتى جانە بەدەلدى ەل بولىپ قالىپتاستى» ، - دەدى ول.
ونىڭ سوزىنە قاراعاندا، ق ر وڭىرلىك جانە جاھاندىق قاۋىپسىزدىكتى قامتاماسىز ەتۋدە سۇبەلى ۇلەسىن قوستى.
ول ك س ر و قۇلاعان سوڭ ن. نازاربايەۆتىڭ باستاماسىمەن قازاقستان يادرولىق قارۋدان باس تارتىپ، يادرولىق قارۋدى تاراتپاۋ ىسىنە ۇلەسىن قوستى، حالىقارالىق قاۋىپسىزدىكتىڭ ءبىرقاتار ماڭىزدى باستامالارىن كوتەردى.
قازاقستاندىق جۋرناليستەرگە بەرگەن سۇحباتىندا چىڭ گوپيڭ قازاقستاندى 2017-2018 -جىلدارعا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتادى.
ەسكە سالا كەتەيىك، قىتاي حالىق رەسپۋبليكاسىنداعى ق ر ەلشىلىگىندە وتكەن «قازاقستان: بەيبىتشىلىك، قاۋىپسىزدىك جانە دامۋ جولىمەن 25 -جىل» دوڭگەلەك ۇستەلى ءوتتى. وعان 50 دەن استام ادام - ق ح ر قاۋىپسىزدىك جانە تەرروريزممەن كۇرەس بويىنشا مەملەكەتتىك كوميسسارى چىڭ گوپيڭ، شاڭحاي ىنتىماقتاستىق ۇيىمىنىڭ باس حاتشىسى (ش ى ۇ) راشيد اليموۆ، ق ك پ ورتالىق كوميتەتى حالىقارالىق ءبولىمى، ق ح ر سىرتقى ىستەر مينيسترلىگى، ق ح ر مەملەكەتتىك كەڭەسى جانىنداعى ەۋروپا جانە ازيا دامۋ ينستيتۋتى زەرتتەۋ جانە دامۋ ورتالىعى، قىتاي زاماناۋي حالىقارالىق قاتىناستار اكادەمياسى، قىتاي حالىقارالىق ماسەلەلەر ينستيتۋتى، قىتاي الەۋمەتتىك عىلىمدار اكادەمياسى، رەسەي، شىعىس ەۋروپا، ورتالىق ازيا ينستيتۋتتارى، قىتاي شەت ەلدەرمەن دوستىق قاۋىمداستىعى، قىتاي دوستىق قاۋىمداستىعى جانە ديپلوماتيالىق كورپۋستىڭ وكىلدەرى قاتىستى.
