قىتاي كوممۋنيستىك پارتياسى قازاقستاندى ب ۇ ۇ ق ك تۇراقتى ەمەس مۇشەسى بولىپ سايلانۋىمەن قۇتتىقتادى
بۇل تۋرالى 29- ماۋسىم كۇنى بەيجىڭدە وتكەن «قازاقستان: 25 جىل بەيبىتشىلىك، قاۋىپسىزدىك جانە دامۋ جولىمەن» اتتى دوڭگەلەك ۇستەل بارىسىندا قىتاي كوممۋنيستىك پارتياسى وتالىق كوميتەتى (ق ك پ و ك) حالىقارالىق ءبولىمىنىڭ 6-باسقارماسى باسشىسىنىڭ ورىنباسارى تسزيان نايچەن ايتتى.
«بيىل قازاقستان ءوز تاۋەلسىزدىگىنىڭ 25 جىلدىعىن اتاپ ءوتىپ جاتىر. وسى ۋاقىت ارالىعىندا قازاقستان حالىقارالىق ارەنادا وڭىرلىك جانە جاھاندىق قاۋىپسىزدىككە ءوز ۇلەسىن قوسىپ كەلە جاتقان ماڭىزدى ويىنشىعا اينالدى. مىنە، وتكەن تۇندە ب ۇ ۇ ق ك تۇراقتى ەمەس مۇشەلىگىنە سايلاندى. بۇل حالىقارالىق قوعامداستىقتىڭ قازاقستاننىڭ وڭىردەگى قاۋىپسىزدىك پەن بەيبىتشىلىكتى قولداۋداعى ماڭىزدى ءرولىن باعالاعانىن بىلدىرەدى. مەن وسى مەرەيلى ساتتە قازاقستان ەلىن قۇتتىقتايمىن»، - دەدى ول.
ايتا كەتەيىك، شاراعا 50 دەن استام ادام اتسالىستى: ق ح ر تەرروريزممەن كۇرەس جانە قاۋىپسىزدىك مالەسەسى بويىنشا مەملەكەتتىك كوميسسارى چەن گوپين، ش ى ۇ باس حاتشىسى راشيد اليموۆ، ق ك پ و ك حالىقارالىق ءبولىمى وكىلدەرى، ق ح ر س ءى م وكىلدەرى جانە ت. ب. قاتىستى.
