الماتىدا جۋرناليستەر اراسىندا «مىڭ جاساعان الماتى» قالالىق بايقاۋى جاريالاندى

وسىعان وراي وتكىزىلگەن باسپا ءسوز ءماسليحاتى بارىسىندا ۇيىمداستىرۋشىلار بايقاۋدىڭ ماقساتى مەن مىندەتتەرى جايلى اڭگىمەلەدى.

«نەگىزى قازاقتىڭ كوركەم سوزىندە قالا وبرازى ءالى دە تولىق اشىلعان جوق. بۇل سالادا اتقارىلاتىن جۇمىستار ءالى كوپ. ونىڭ ۇستىنە، قازاق جۋرناليستيكاسى ءالى دە الەمدىك ارەناعا شىعا قويعان جوق. سوعان شىعۋدىڭ توتە جولدارىنىڭ ءبىرى - ەلدەگى قالالاردىڭ وبرازىن، تاريحىن، پورترەتىن جان-جاقتى اشىپ كورسەتۋ. سول ءۇشىن وسىنداي بايگەلەر بىزگە وتە قاجەت»، - دەدى ءوز سوزىندە جوبانىڭ بەلسەندى قولداۋشىسى، «قازاق ادەبيەتى» گازەتىنىڭ باس رەداكتورى جۇماباي شاشتاي ۇلى.

سونىمەن قاتار، ۇيىمداستىرۋشىلار «مىڭ جاساعان الماتى» بايقاۋىن وتكىزۋدەگى نەگىزگى ماقسات - ق ر تاۋەلسىزدىگىنىڭ 25 جىلدىعىن، الماتى قالاسىنىڭ 1000 جىلدىعىن جانە قالا تاريحى مەن بۇگىنگى تىنىس-تىرشىلىگىن ناسيحاتتاۋ ەكەندىگىن جەتكىزدى.

ايتا كەتەلىك، بايقاۋعا رەسپۋبليكالىق جانە جەرگىلىكتى دەڭگەيدەگى بارلىق ب ا ق- تار مەن جۋرناليستەردىڭ الماتى قالاسىنىڭ جەتىستىكتەرى مەن تىنىس-تىرشىلىگى تۋرالى ماقالالارى، ۇلت جوسپارى - بەس ينستيتۋتسيونالدىق رەفورمانى جۇزەگە اسىرۋ جونىندەگى 100 ناقتى قادامىنىڭ ىسكە اسىرىلۋ بارىسى، ەلباسى ن. ءا. نازاربايەۆتىڭ العا قويعان كوكەيكەستى مىندەتتەرىنىڭ جۇزەگە اسۋىنا ارنالعان ماتەريالدارى قابىلدانادى. ۇسىنىلاتىن ماتەريالدار 2016-جىلعى 28- ماۋسىم مەن 2016-جىلعى 5- قىركۇيەك ارالىعىندا جاريالانعان بولۋى كەرەك جانە ءبىر ب ا ق نە جۋرناليست ۇسىناتىن ماتەريالداردىڭ سانى - 5 تەن اسپايدى. بايقاۋ كوميسسياسى جەڭىمپازداردى ۇزدىك ۆيدەو سيۋجەت، ۇزدىك راديو-سيۋجەت، ب ا ق- تاعى ۇزدىك جاريالانىم، ينتەرنەت-رەسۋرستارداعى ۇزدىك جاريالانىم، اقپاراتتىق اگەنتتىكتەردىڭ لەنتالارىندا جاريالانعان ۇزدىك ماتەريال، ۇزدىك فوتوماتەريال، ۇزدىك جاس جۋرناليست جانە ۇزدىك بلوگەر دەپ اتالاتىن 8 اتالىم بويىنشا انىقتايدى. جەڭىمپازدار ارنايى ديپلومدار جانە باعالى سىيلىقتارمەن ماراپاتتالادى.

بايقاۋ ماتەريالدارىن باعالاۋدا ولاردىڭ تاقىرىپقا سايكەستىگى، جاڭاشىلدىعى، تالداۋ تەرەڭدىگى، ناقتىلىعى مەن لوگيكالىق نەگىزدەلۋى، مازمۇنداۋ ءستيلى مەن تىلىنە، ساپاسى جانە اۆتورلىق تۇجىرىمدامانىڭ دەربەستىگىنە نازار اۋدارىلادى.

بايقاۋعا ماتەريالدار مىنا مەكەن-جاي بويىنشا قابىلدانادى: الماتى قالاسى، جاندوسوۆ كوش. 1/1, (بايزاقوۆ كوشەسىنىڭ قيىلىسى) تەل.: 77272502355+، «جەرۇيىق» قوعامدىق بىرلەستىگى، ەلەكتروندىق پوشتا: jeruik.almaty@mail.ru.

ۇيىمداستىرۋشىلار: الماتى قالاسى ىشكى ساياسات باسقارماسى مەن «جەرۇيىق» قوعامدىق بىرلەستىگى.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى