ەكولوگتار: كوكجيدە جەراستى سۋلارىنىڭ بىرەگەي كەنىشىنە قاۋىپ ءتوندى
سۋ قۇرامىنا مونيتورينگ جۇرگىزۋ بارىسىندا ودان مۇناي، اۋىر مەتالدار قالدىقتارى جانە باسقا دا لاستايتىن زاتتار تابىلعان.
بۇل تۋرالى بريفينگى بارىسىندا اقتوبە وبلىسى تابيعات رەسۋرستارى جانە تابيعات پايدالانۋدى رەتتەۋ باسقارماسىنىڭ باستىعى نۇرجان اققۇل اڭگىمەلەدى.
- ءبىز جىل سايىن كوكجيدە جەراستى سۋلارىنىڭ ساپاسىنا مونيتورينگ وتكىزەمىز. 2008 -جىلمەن سالىستىرعاندا سۋدا مۇنايدىڭ بولۋى ازايعان، الايدا قازىرگى كەزدە ءبىز كوكجيدە ماڭىنان مۇناي ءوندىرۋدى توقتاتۋ ماسەلەسىن قويىپ وتىرمىز، ءتيىستى حاتتى بەيىندىك مينيسترلىككە جولدادىق. بۇگىندە مۇندا «سنپس اقتوبە مۇنايگاز» ا ق، «قازاقويل اقتوبە» ج ش س، «ادا- ويل» ج ش س مۇناي وندىرۋدە»، دەدى ن. اققۇل.
كوكجيدە قۇمداۋىت الابىنىڭ بىرەگەي كەنىشىنىڭ جەراستى تۇشى سۋىنىڭ جانە كوكجيدە الابى قۇمىنىڭ ايرىقشا عىلىمي جانە تاريحي- مادەني قۇندىلىعى زور. قازاقستاننىڭ باتىسىنداعى قورى جاعىنان ءىرى جەراستى سۋ كوزى سونىمەن قاتار اتىراۋ جانە ماڭعىستاۋ وبلىستارىن دا سۋمەن قامتاماسىز ەتە الادى. كوكجيدە كەنىشىنىڭ سۋىن كەڭقياق كەنتىنىڭ تۇرعىندارى پايدالانىپ وتىر.
