ريوعا دەيىن قازاقستاندا دوپينگ زەرتحاناسى اشىلادى - ا. مۇحامەدي ۇلى ەكسكليۋزيۆ

«قازىرگى كەزدە دەمەۋشىلىك قاراجاتتاردى بەرىپ جاتىر. ءبىز وليمپيادانىڭ الدىندا مىندەتتى تۇردە سول زەرتحانانى ىسكە قوسىپ، بارلىق سپورتشىلارىمىز سونىڭ تەكسەرۋىنەن ءوتۋى كەرەك. نەگە دەسەڭىز، ءتورت جىلدان كەيىن، سەگىز جىلدان كەيىن قايتادان وسىنداي جاعدايعا ۇرىنىپ قالماۋ ءۇشىن. بۇگىندە كۇن سايىن جاڭا مەديتسينالىق پرەپاراتتار شىعارىلىپ جاتادى. سول سەبەپتى ءبىز ءوز زەرتحانامىزعا جاڭا تەحنولوگيالاردى الۋىمىز قاجەت»، - دەدى مادەنيەت جانە سپورت ءمينيسترى ا. مۇحامەدي ۇلى.

ونىڭ سوزىنە قاراعاندا، دوپينگكە قارسى قازاقستاندىق زەرتحانا دەمەۋشىلەردىڭ قارجىسىنا سالىنادى. الايدا جوبانىڭ ناقتى قۇنى ءالى بەلگىسىز. قازىرگى كەزدە ارنايى ماماندار وسى ماسەلەمەن اينالىسىپ جاتىر. «مەن ويلايمىن، الداعى ەكى-ءۇش كۇندە بۇل ماسەلە تولىعىمەن شەشىلەدى»، - دەپ اتاپ كورسەتتى مينيستر.

ايتا كەتەيىك، ماۋسىمنىڭ 21 ءى كۇنى وتكەن ۇكىمەت وتىرىسىندا پرەمەر-مينيستر كارىم ءماسىموۆ دوپينگ داۋىن تەزدەتىپ شەشۋدى تاپسىرىپ: «بالكىم، جەكە مەنشىك دەمەۋشىلەردى تارتىپ، ساپالى زەرتحانا قۇرۋ قاجەت. ءبىزدىڭ سپورتشىلارىمىز ول تەستتەن جارىسقا دەيىن وتسە، ەشقانداي كۇدىكتەر بولمايدى»، - دەپ ۇسىنىس جاساعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى