قازاقستاننىڭ اۋە كەڭىستىگىنە قاتىستى ەگەمەندىگى ناقتىلانادى
اتالعان زاڭ جوباسى حالىقارالىق ازاماتتىق اۆياتسيا ۇيىمى ستاندارتتارىنىڭ سوڭعى وزگەرىستەرىن ەسكەرە وتىرىپ، اۋە كەڭىستىگىن پايدالانۋ، سونىمەن قاتار، ۇلتتىق زاڭناماداعى كولليزيالاردى جويۋ ماقساتىندا ازىرلەنگەن. بۇل رەتتە اۋە كەڭىستىگىن پايدالانۋ مەن اۆياتسيا قىزمەتى اياسىندا مەملەكەتتىك رەتتەۋدىڭ، باقىلاۋ مەن قاداعالاۋ تەتىگى جاسالماق. بۇدان بولەك، قازاقستان رەسپۋبليكاسىنىڭ اۋە كەڭىستىگىنە قاتىستى ەگەمەندىگى ناقتى ايقىندالىپ، اۋە كەمەلەرىنىڭ حالىقارالىق ۇشۋى جانە ىشكى اۆيامارشرۋتتاردا ۇشۋ كەزىندە اۋە كەڭىستىگىن پايدالانۋدى ۇيىمداستىرۋدىڭ پارمەندى تەتىگى قالىپتاسادى. ەكولوگيالىق جانە ۇلتتىق قاۋىپسىزدىك ماسەلەلەرى پروبلەمالارىن شەشۋدى ەسكەرە وتىرىپ، اۋە كەڭىستىگىن پايدالانۋ سالاسىنداعى ۇشۋ قاۋىپسىزدىگىن قامتاماسىز ەتۋ جانە جاۋاپكەرشىلىك ينستيتۋتىن بەكىتۋدى كوزدەيدى. «تۇتاستاي العاندا، زاڭ جوباسىمەن ۇشۋ قاۋىپسىزدىكتەرىنىڭ دەڭگەيىن ارتتىرىپ، اۆياتسيالىق قىزمەتتىڭ جاڭا تۇرلەرىن ەنگىزۋ كوزدەلەدى. قۇجات بويىنشا 7 زاڭنامالىق اكتىگە، 3 كودەكس پەن 4 زاڭعا 286 وزگەرىستەر ەنگىزۋ قاراستىرىلىپ وتىر. وزگەرىستەر تەحنيكالىق ناقتىلاۋ سيپاتىندا بولىپ تابىلادى ءارى جاعىمسىز الەۋمەتتىك سالدارعا سوقتىرمايدى»، - دەدى ينۆەستيتسيالار جانە دامۋ ۆيتسە-ءمينيسترى البەرت راۋ.
ونىڭ ايتۋىنشا، ەكونوميكالىق، ساياسي، قوعامدىق قاتىناستاردىڭ قازىرگى زامانعى جاھاندانۋ پروتسەسستەرى ازاماتتىق اۆياتسيا قىزمەتىن ءتيىستى قۇقىقتىق رەتتەۋ جانە ۇلتتىق زاڭنامانى ازاماتتىق اۆياتسيا سالاسىن حالىقارالىق ستاندارتتارمەن ودان ءارى ودان ءارى ۇيلەستىرۋ قاجەتتىلىگىن تۋدىرىپ وتىر. سوندىقتان دا، زاڭ جوباسىندا مەملەكەتتىڭ حالىقارالىق-قۇقىقتىق مىندەتتەمەلەرىنەن تۋىندايتىن بارلىق ماڭىزدى ەلەمەنتتەر، حالىقارالىق تاجىريبە، يكاو ستاندارتتارى جانە ۇشۋلاردىڭ قاۋىپسىزدىگىن تەكسەرۋدىڭ امبەباپ قاداعالاۋ باعدارلاماسىنا قاتىستى ماسەلەلەر قامتىلاتىن بولادى.
اۆتور: قانات مامەتقازى ۇلى
