شىعىس قازاقستاندا تۇينەمە دەرتى بويىنشا جاعداي تۇراقتى - ع. سۇلەيمەنوۆ
ش ق و- دا جارما اۋدانىندا تۇينەمە جۇقتىرعان ءبىرلى-جارىم جاعداي تىركەلدى. ناۋقاستار مەن ءماجبۇرلى سويىلعان مال تىركەلگەن جوق. اۋرۋحانادا جاتقاندار جازىلا باستادى، دەپ حابارلادى ءوڭىردىڭ اقپاراتتىق ورتالىعىندا وتكەن بريفينگتە ش ق و ت ق ق د باسشىسى عازەز سۇلەيمەنوۆ.
ولارعا قاجەتتى ماتەريالدىق كومەك كورسەتىلدى. اپتا سوڭىندا اۋرۋحانادان شىعادى. بايلانىستا بولعان 29 ادام باقىلاۋدا. اۋرۋدىڭ تارالماۋى ءۇشىن قاجەتتى الدىن الۋ شارالارى جۇرگىزىلدى. باستىسى - ءۇي مالىنا ەكپە جاساۋ. بەلگىلەنبەگەن ورىنداردان ەت، ەت ونىمدەرىن ساتىپ الۋعا تىيىم سالىندى.
ع. سۇلەيمەنوۆتىڭ ايتۋىنشا، «ايعاي كەزەك» ۋچاسكەسىندە كارانتين جاريالاۋ شەشىمى قابىلداندى. رەجىم 14 كۇنگە بەلگىلەندى.
«WhatsApp مەسسەندجەرى بويىنشا تاراتىلعان اقپارات جالعان، - دەدى ول، - جاعداي تولىق باقىلاۋدا. بازارعا تەكسەرىلگەن ەتتەر عانا شىعارىلادى. سوندىقتان الاڭداۋعا سەبەپ جوق»، - دەپ اتاپ ءوتتى عازەز سۇلەيمەنوۆ.
