ن. نازاربايەۆ: جەتەكشى ساياسي كۇشتەر اراسىنداعى ديالوگ - قازاقستان مەن رەسەيدىڭ سەرىكتەستىگىنىڭ سالماقتى فاكتورى

ءوزىنىڭ قۇتتىقتاۋ حاتىندا مەملەكەت باسشىسى سەزد دەلەگاتتارى مەن قوناقتارىنا ىستىق ىقىلاسىن جولداي وتىرىپ، قازاقستان مەن رەسەي حالىقتارىن 21- عاسىرداعى تاتۋ كورشىلىك جانە وداقتاستىق تۋرالى كەلىسىممەن بەكىتىلگەن ستراتەگيالىق سەرىكتەستىكتى دايەكتى تۇردە دامىتىپ وتىرعان دوستىق پەن ىنتىماقتاستىقتىڭ سان عاسىرلىق باۋىرلاس قارىم- قاتىناسى بايلانىستىراتىنىن جەتكىزگەن. ەۋرازيالىق ەكونوميكالىق وداقتىڭ سەرپىندى دامۋى قازاقستان مەن رەسەي اراسىنداعى ءوزارا سەنىمنىڭ جاڭا دەڭگەيىن كورسەتەدى.

نۇرسۇلتان نازاربايەۆ: «ەكى ەلدىڭ بيلەۋشى پارتيالارى: «نۇر وتان» مەن «ەدينايا روسسيا» اراسىنداعى ءوزارا تىعىز بايلانىس قازاقستان- رەسەي قارىم- قاتىناسىن ودان ءارى نىعايتاتىن ماڭىزدى تەتىك بولىپ تابىلادى. جەتەكشى ساياسي كۇشتەر اراسىنداعى ديالوگ - قازاقستان مەن رەسەيدىڭ بارلىق سالانى قامتيتىن سەرىكتەستىگىنىڭ سالماقتى فاكتورى. ءبىز رەسەيلىك ارىپتەستەرىمىزبەن كوپ جوسپارلى جانە سىندارلى ىنتىماقتاستىعىمىزدى ودان ءارى دامىتۋعا، پارتياارالىق بايلانىستى جان- جاقتى كەڭەيتىپ، تەرەڭدەتۋگە نيەتتىمىز»، - دەپ اتاپ وتكەن.

«نۇر وتان» پارتياسى ءتوراعاسىنىڭ ءبىرىنشى ورىنباسارى رەسەي استاناسىندا ءبىرقاتار ەكىجاقتى كەلىسسوزدەر وتكىزدى.

اتاپ ايتقاندا، مۇحتار قۇل-مۇحاممەد ر ف مەملەكەتتىك دۋماسىنىڭ ءتوراعاسى سەرگەي نارىشكينمەن جانە «ەدينايا روسسيا» پارتيا بيۋروسى جوعارى كەڭەسىنىڭ ءتوراعاسى بوريس گرىزلوۆپەن كەزدەسىپ، پارتيا كوشباسشىسى نۇرسۇلتان نازاربايەۆ كورسەتىپ بەرگەن «نۇر وتاننىڭ» الدىنداعى جۇمىستاردىڭ باسىم باعىتتارى جونىندە ءسوز ەتتى. ءوز سوزىندە پارتيا ءتوراعاسىنىڭ ءبىرىنشى ورىنباسارى قازاقستاننىڭ 2050 -جىلعا دەيىنگى دامۋ ستراتەگياسىنا، «100 ناقتى قادام» ۇلت جوسپارىنا، «نۇرلى جول» كەڭاۋقىمدى باعدارلاماسىنا، سونداي-اق، «الەم. 21 - عاسىر» مانيفەسى، ۇلى جىبەك جولىنىڭ جاندانۋى، «ۇلكەن ەۋرازيانى» قۇرۋ سىندى مەملەكەت باسشىسىنىڭ قوعام نازارىنا ىلىنگەن حالىقارالىق باستامالارىنا ەرەكشە كوڭىل ءبولدى.

ءوز كەزەگىندە رەسەيلىك ارىپتەستەر نۇرسۇلتان نازاربايەۆتىڭ سانكت- پەتەربۋرگتەگى حالىقارالىق ەكونوميكالىق فورۋمدا جانە تاشكەنتتەگى ش ى ۇ- نىڭ سامميتىندە سويلەگەن سوزدەرىنىڭ ەرەكشە ماڭىزدىلىعىن اتاپ ءوتتى. وزبەكستان استاناسىنداعى باسقوسۋدا قازاقستان كوشباسشىسى شاڭحاي ىنتىماقتاستىق ۇيىمىنىڭ باسقارۋ بيلىگىن قابىلداپ العانىن ايتا كەتكەن ءجون.

بۇگىن مۇحتار قۇل- مۇحاممەد جاپونيا ليبەرال- دەموكراتيالىق پارتياسىنىڭ باس حاتشىسىمەن كەزدەستى.

كازۋنوري تاناكا ءوز ەلىنىڭ پارلامەنتىنە جەتى مارتە سايلانعان. سونداي-اق، ول بۇگىندە جاپونيانىڭ بيلەۋشى پارتياسىنىڭ سايلاۋالدى شتابىن باسقارادى.

كەلىسسوز بارىسىندا كازۋنوري تاناكا نۇرسۇلتان نازاربايەۆتىڭ تاۋەلسىز قازاقستاننىڭ قالىپتاسۋى مەن دامۋىنداعى ايرىقشا رولىنە جانە ونىڭ حالىقارالىق ارەناداعى جوعارى بەدەلىنە توقتالدى.

ماسكەۋدە قازاقستان- رەسەي سەرىكتەستىگىنىڭ ەرەكشە مارتەبەسى ەسكەرىلىپ، رەسەيگە كەلگەن بارلىق وتىز شەتەلدىك پارتيا دەلەگاتسيالارى اتىنان سەزدىڭ اشىلۋىنا وراي وتكىزىلگەن سالتاناتتى كەزدەسۋدە «نۇر وتان» پارتياسى ءتوراعاسىنىڭ ءبىرىنشى ورىنباسارىنا ءسوز بەرىلگەنىن اتاپ وتكەن ءجون.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى