كەشەگىدەن دە جىلدام جۇگىر
الاتاڭمەن تالاسا ورماندى القاپتا ءبىر ەلىك ويانادى. ەلىكتىڭ باسىندا دا جالعىز عانا وي بار. «ەڭ جۇيرىك قاسقىردان دا جىلدام جۇگىرۋ، ورعۋ، سەكىرۋ!» ويتپەسە قاسقىردىڭ تىرناعىنا ءىلىنىپ، وڭەشىنەن ءوتىپ كەتۋى مۇمكىن...
ءسىز قاسقىرسىز با، ەلىكسىزبە، ءبارىبىر تاڭ اتىسىمەن جۇگىرۋىڭىز، بارىنە ۇلگەرۋىڭىز كەرەك ەكەندىگىن ۇمىتپاڭىز.
ەگەر ءسىز قاسقىر بولساڭىز، كەشەگى كۇنى ەڭ جۇيرىك ەلىكتى ۇستاي الماعان بولساڭىز، ال بۇگىن سول ەلىكتى ۇستاپ العىڭىز كەلىپ تۇرسا ءبىر نارسەنى ءتۇسىنىڭىز. ول: «ەڭ شابان ەلىكتىڭ ءوزى سىزدەن دە جۇيرىك ەكەندىگى!..»
ولاي بولسا بۇگىن كەشەگىدەن دە جىلدام شاۋىپ بارىپ ءسىز بۇگىنگى بايگەنىڭ جەڭىمپازى بولا الاسىز.
ەگەر ءسىز ەلىك بولىپ كەشە قاسقىردىڭ اۋزىنان امان قالعان بولساڭىز، بۇگىن دە وعان جەم بولۋدى تىلەمەسەڭىز وندا جىلدامدىعىڭىزدى كەشەگىدەن دە ارتتىرۋ قاجەت. سەبەبى، بۇگىن ءسىزدىڭ كەزەگىڭىز كەلىپ قالۋى ىقتيمال.
ءبىر سوزبەن ايتقاندا ءومىر جارىسىندا ارتتا قالماۋدىڭ جالعىز-اق جولى بار. ول: «كەشەگىدەن دە جىلدام جۇگىرە ءبىلۋ!» انادان، مىنادان، ودان-سودان ەمەس. تەك كەشەگىدەن عانا جىلدام جۇگىرە ءبىلۋ. ءسىز سولاي ەتە الاسىز با؟
امانتاي تويشىباي ۇلى
