رەسپۋبليكالىق تەلەارنالار قازاقستان پرەزيدەنتى تۋرالى جاڭا دەرەكتى فيلمدى كورسەتەدى - كەسكىن
سۇحباتتىڭ ءبىر ەپيزودىندا پرەزيدەنت 1986 -جىلدىڭ جەلتوقسانىندا ك س ر و كوممۋنيستىك پارتياسىنىڭ XXVI سەزىندەگى سوزىنە قاتىستى وقيعانى ايتىپ بەرگەن.
سۇحباتىنىڭ تاعى ءبىر ۇزىندىسىنەن كورىپ وتىرعانىمىزداي، ن. نازاربايەۆ قازاقتىڭ سالت- ءداستۇرى مەن يسلامنىڭ بىتە-قايناسقانىن ايتقان. «قازاقستاننىڭ مۇسىلماندىق ءدىني-نانىمى - سابىرلى ءارى تولەرانتتى. ءسۇننيت - بايسالدى ءدىن، ءتىپتى، زايىرلى ءدىن دەۋگە بولادى. ءبىزدىڭ ءوز سالت-ءداستۇرىمىز بار. قازاقتار اتا-بابا ارۋاعىنا سىيىنىپ جاتادى. ءبىراق، قۇران كارىمدە اللاعا عانا تابىنۋ تۋرالى ايتىلعان. ءبىراق، ءبىز جەتى اتامىزدى تانىپ، سولاردىڭ ارۋاعىنا قۇران باعىشتاپ جاتامىز. بۇنىڭ ەشقانداي ابەستىگى جوق دەپ ويلايمىن»، - دەگەن مەملەكەت باسشىسى.
جاڭا دەرەكتى فيلمدە مەملەكەت باسشىسى سونداي-اق حالىقتىڭ ەل باسشىلىعىنا دەگەن كوزقاراسى جايلى، قازاق حالقىنىڭ باسشى بولۋدى «جاقسى كورەتىنى» جايلى اڭگىمە قوزعاعان.
