تارازدا ءيتتىڭ تەرىسىن تىرىدەي سىپىرىپ الدى دەلىنگەن ادامنىڭ ۇيالى تەلەفونى تەكسەرىلىپ جاتىر
ايتا كەتەيىك، وسىعان دەيىن تاراز تۇرعىنى ۇزاقباي باقتىباي الەۋمەتتىك جەلىدە تەرىسى سىپىرىلعان ءيتتىڭ جانتۇرشىگەرلىك سۋرەتىن جاريالاعان ەدى.
وسى دەرەك بويىنشا پوليتسيا تەرگەۋ شارالارىن جۇرگىزىپ جاتىر. «ءبىز ونى شاقىرتتىق، كەلدى، ءبىراق باقتىباي جانۋارعا قاتىستى وقيعاعا قاتىسى جوق ەكەنىن ايتىپ وتىر. ايتۋىنشا، وعان ءبىر جىل بۇرىن ۇيالى تەلەفونىنا جىبەرىپتى، تاياۋدا ول ۆكونتاكتە جەلىسىنە سۋرەتتى سالىپتى. باقتىبايتىڭ ۇيالى تەلەفونى پوليتسيادا، قازىر ارحيۆتى، فوتولار مەن ۆيدەولاردى زەرتتەپ جاتىرمىز»، - دەپ حابارلادى باسپا ءسوز قىزمەتىندەگىلەر.
پوليتسيانىڭ مالىمەتىنشە، سۋرەتتى جەلىگە جۇكتەگەن ەر ادام 24 جاستا، ۇيلەنگەن، قۇرىلىس كومپانياسىندا جۇمىس ىستەيدى.
ال ۇزاقباي باقتىباي بولسا ەل تۇرعىندارىنان قورقىتىپ، ۇركىتۋ مانىندەگى سوزدەردىڭ ايتىلىپ جاتقانىن Tengrinews.kz تىلشىسىنە حابارلادى. ونىڭ ايتۋىنشا، قورلىق ماندەگى سوزدەر ونىڭ ەكىنشى ۇيالى تەلەفونىنا كەلىپ ءتۇسىپ جاتىر ەكەن. ول وسىعان بايلانىستى پوليتسياعا حابار بەرىپ، ءيتتىڭ ولىمىنە قاتىسىنىڭ جوق ەكەنىن ايتتى. باقتىباي سۋرەتتى جەلىگە جاريالاعانى ءۇشىن وكىنەتىنىن ايتىپ وتىر. ال تەرىسى سىپىرىلعان ءيتتىڭ سۋرەتىنە قاتىستى جازىلعان پىكىرلەرىن ءازىل دەپ اتادى. «مەن پوليتسيادا بولدىم، مەن ول جاققا ءتىپتى ءوزىم باردىم. تەلەفونىمدى الىپ قويدى، تەكسەرىپ جاتىر. ءبىراق مۇنى مەن ىستەگەن جوقپىن»، - دەدى باقتىباي.
ەسكە سالايىق، جەلىدە جانتۇرشىگەرلىك سۋرەت پايدا بولعان ەدى. سۋرەتتە تەرىسى سىپىرىلعان ءيت بەينەلەنگەن. جانۋارلاردى قورعاۋ قورىنىڭ قىزمەتكەرلەرى جاۋىزداردىڭ ءيتتى 15 مينۋت بويى قورلاپ ولتىرگەنىن ايتىپ وتىر.
