ماماندار وليمپيادا ويىندارى كەزىندە شايان مەن جىلاننان ساق بولۋعا كەڭەس بەرەدى
بۇل رەتتە ب ۇ ۇ دا بايراقتى باسەكەگە قاتىسۋشىلار مەن جانكۇيەرلەرگە قاتىستى دۇنيەجۇزىلىك دەنساۋلىق ساقتاۋ ۇيىمىنىڭ كەڭەسىن پاش ەتۋدە. ا ق ش- تاعى مەنشىكتى ءتىلشىمىزدىڭ حابارلاۋىنشا، ەندى الەم ەلدەرىنىڭ ساياحاتشىلارىن تەك زيكا بەزگەگى عانا ەمەس، ادامعا قاۋىپ توندىرەتىن وزگە جاعىمسىز جايتتار دا الاڭداتىپ ءجۇر. دۇنيەجۇزىلىك دەنساۋلىق ساقتاۋ ۇيىمى برازيلياعا بارار الدىندا 4-8 اپتا بۇرىن ەكپە سالۋدى ەسەلەي تۇسۋدە. ويتكەنى ۋلى جاندىكتەردەن اباي بولعان ءجون. «اسىرەسە جىلان مەن شاياننان قاۋىپ كوپ»، - دەيدى ماماندار. «دۇنيەجۇزىلىك ساقتاۋ ۇيىمى بەكىتكەن تىزىممەن قاتار ا جانە ۆ گەپاتيتى مەن سارى بەزگەككە قارسى ەكپە ەگۋ كەرەك»، - دەيدى سالا قىزمەتكەرلەرى.
سونىمەن قاتار، اقحالاتتىلار حالىققا بۇكىل دەنەنى جاۋىپ تۇراتىن اشىق ءتۇستى كيىم كيگەندەرى دۇرىس ەكەنىن جەتكىزدى. جانە شاراعا كەلۋشىلەر اۋا باپتاعىشىمەن قاتار بارلىق سانيتارلىق تالاپتارعا ساي كەلەتىن تۇرعىن ۇيلەردى جالداعاندارى دۇرىس دەيدى ولار. دەگەنمەن ب ۇ ۇ ماماندارى زيكا بەزگەگى برازيليادا وتەتىن وليمپيادا ويىندارىنا تەرىس اسەر ەتپەۋى شارت دەگەن ۇستانىمدا. وسى ورايدا دۇنيەجۇزىلىك دەنساۋلىق ساقتاۋ ۇيىمىنىڭ تالاپتارى ەلەۋسىز قالماي، ەسكەرىلسە يگى دەيدى تاراپتار.
www.24.kz
