قىتاي ءمينيسترىنىڭ بۇرىنعى ورىنباسارى: ءۇش-بەس جىلدان كەيىن يۋان الەمدەگى ەكىنشى ۆاليۋتاعا اينالادى

«رەفەرەندۋم سالدارىنان ستەرلينگ فۋنتىنا اۋىر سوققى بولعانىنا قاراماستان، فۋنت جاقىن ارادا قايتا وسە باستايدى. سوڭعى ۋاقىتتاعى فۋنتتىڭ قۇنسىزدانۋى يۋاننىڭ دەۆالۆاتسياسىنا الىپ كەلە قويمايدى، كەرىسىنشە، يۋان قولدانىسى ارتا تۇسەدى. ەسەپ بويىنشا 3-5 جىلدا يۋان ەكىنشى الەمدىك ۆاليۋتاعا اينالادى»، - دەگەن ۋەيدىڭ ءسوزىن كەلتىردى شينحۋا اگەنتتىگى.

ۇلى بريتانيادا 23 - ماۋسىمدا ەلدىڭ ە و- داعى مۇشەلىگى بويىنشا رەفەرەندۋم ءوتتى. رەسمي دەرەكتەرگە سايكەس ەۋرووداقتان شىعۋعا %51,9 بريتاندىق داۋىس بەردى. رەفەرەندۋم ناتيجەسى جاريالانعاننان كەيىن قىتاي حالىق بانكى رەفەرەندۋمنان كەيىنگى الدىن الا ءىس- قيمىل جوسپارىن ازىرلەگەنىن، بۇرىنعى باستالعان ساياساتتى جالعاستىراتىنىن مالىمدەدى.

بۇدان بۇرىن ح ۆ ق قىتاي يۋانىن SDR سەبەتىنە ەنگىزۋگە شەشىم قابىلداعان بولاتىن . 2016 -جىلعى 1 قازاننان باستاپ قىتاي ۆاليۋتاسى دوللار (%41,73) مەن ەۋرودان (%30,93) كەيىن ءۇشىنشى ورىندى يەلەنىپ، سەبەتتە %10,92 الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى