اقمولا وبلىسىندا ات سپورتى تۇرلەرىنەن جارىس ءوتتى
ءىس- شارانى ۇيىمداستىرۋداعى ماقسات - سالاۋاتتى ءومىر سالتىن قالىپتاستىرۋدىڭ، حالىقتى پاتريوتتىققا تاربيەلەۋدىڭ جانە شاباندوزداردىڭ شەبەرلىكتەرىن ارتتىرۋدىڭ ماڭىزدى قۇرالى رەتىندە ۇلتتىق ات سپورتى تۇرلەرىن كەڭىنەن ناسيحاتتاۋ بولىپ تابىلادى.
شورتاندى اۋدانىنىڭ اكىمى گۇلنۇر ءسادۋاقاسوۆانىڭ ايتۋىنشا، شورتاندى يپپودرومىندا ات سپورتى مەرەكەسىن ۇيىمداستىرۋ داستۇرگە اينالعان، ال وعان قاتىسۋشىلاردىڭ سانى جىلدان- جىلعا ارتىپ كەلەدى. بۇل جولى ءوز ونەرلەرىن كورسەتۋگە استانا قالاسىنىڭ، اقمولا مەن سولتۇستىك قازاقستان وبلىستارىنىڭ 60 قا جۋىق شاباندوزى نيەت ءبىلدىردى.
شورتاندىلىقتار مەن اۋىل قوناقتارى كوكپار، اۋدارىسپاق، قىز قۋۋ، تەڭگە الۋ سىندى ۇلتتىق ويىن تۇرلەرىن، 7 شاقىرىمعا جىبەرىلگەن بايگەنى، توق بايگە جانە الامان بايگەلەرىن تاماشالادى. ات قۇلاعىندا وينايتىن قىز- جىگىتتەرىمىز سايگۇلىكتەرىنىڭ ۇستىندە كۇردەلى جاتتىعۋلاردى ورىنداسا، استانا قالاسى بالالار مەن جاسوسپىرىمدەر سپورت مەكتەبىنىڭ جاس شاباندوزدارى ءارتۇرلى بيىكتىكتەگى كەدەرگىلەردى ەڭسەرۋ شەبەرلىكتەرىن كورسەتتى.
ءىس- شارا جەڭىمپازدارى مەن قاتىسۋشىلار باعالى سىيلىقتارمەن ماراپاتتالدى.
