ق ر پرەزيدەنتى اكىمشىلىگىنىڭ باسشىسى بارشا قازاقستاندىقتاردى سپورتپەن شۇعىلدانۋعا شاقىردى

«ادىلبەك رىسكەلدى ۇلى، وسىنداي استانادا دۋاتلون وتكىزۋ تۋرالى يدەيانى قالا اكىمى بولىپ وتىرعاندا كوتەرگەن ەدى. مەن دە قولداۋ كورسەتۋگە ۋادە ەتكەنمىن. سوندىقتان دا، ءبىز بۇگىن وسى جارىسقا قاتىسىپ وتىرمىز. مەنىڭ ويىمشا، وسىنداي جارىستىڭ ءوزى قالا كۇنى قارساڭىندا ەلوردالىقتار ءۇشىن جاسالاتىن ۇلكەن مەرەكەنىڭ ءبىرى بولىپ تابىلادى»، - دەدى ۇكىمەت باسشىسى كارىم ءماسىموۆ.

ءوز كەزەگىندە پرەزيدەنت اكىمشىلىگىنىڭ باسشىسى ءا. جاقسىبەكوۆ بارشا قازاقستاندىقتاردى سپورتپەن اينالىسۋعا شاقىردى. «مەملەكەت باسشىسىنىڭ تاپسىرماسىنا سايكەس، ەلىمىزدە، سونىڭ ىشىندە استانادا سپورت پەن مادەنيەتتى دامىتۋعا كوپ كوڭىل ءبولىنىپ جاتىر، سپورتتىق سايىستار قاتارى جىل سايىن ارتىپ كەلەدى. ەلباسىنىڭ قولداۋى ارقاسىندا بۇگىن دە سپورتتىق ماڭىزدى وقيعا ءوتىپ وتىر دەپ سانايمىن. ۇلتىمىز ءۇشىن ەڭ باستىسى - دەنساۋلىق. سوندىقتان دا، سپورتپەن شۇعىلدانىڭىزدار»، - دەپ اتاپ ءوتتى ءا. جاقسىبەكوۆ.

ايتا كەتەرلىگى، قازاقستان پرەمەر-ءمينيسترى كارىم ءماسىموۆ استانادا ءوتىپ جاتقان دۋاتلوننان تۋرنير اياسىندا 15 شاقىرىمدىق ۆەلوقاشىقتىقتى باعىندىردى.

ەسكە سالا كەتەيىك، ەلوردا كۇنى اياسىندا ەكىنشى رەت دۋاتلوننان اشىق قالا تۋرنيرى ءوتىپ جاتىر. بيىل جارىس قاتىسۋشىلارى 25-شاقىرىمدىق قاشىقتىقتى باعىندىرادى. بۇل اراقاشىقتىق كەزدەيسوق تاڭدالعان جوق - جولدىڭ ۇزاقتىعى مەرەيتويلىق داتا - قازاقستان رەسپۋبليكاسى تاۋەلسىزدىگىنىڭ 25-جىلدىعىمەن سايكەس كەلەدى. «استانا- دۋاتلون-2016» جارىسىنا 16 جاستان اسقان بارلىق تىلەك بىلدىرگەندەر قاتىسا الادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى