جاپوندىق ساياحاتشى شىمكەنتتە سىيعا العان ۆەلوسيپەدپەن الەمدى ارالاۋدى جالعاستىرماق - كەسكىن

ەندى ول شىمكەنتتە سىيعا تارتىلعان جاڭا ۆەلوسيپەدپەن جولعا شىعادى.

ەسكە سالساق، فۋمي شىمكەنتتە 10 كۇن بولدى. وزبەكستان باعىتى بويىنشا بارا جاتقان. ش ى ۇ سامميتىنە قاتىستى شەكارا جابىق بولعان سوڭ، شىمكەنتتە قالۋعا تۋرا كەلگەن. الايدا ول قۇر قول قايتپادى. ونى ۆەلوقاۋىمداستىق جىلى قابىلدادى.

ونىڭ ايتۋىنشا، ۆەلوسيپەدپەن ساياحاتقا شىعۋدى ءبىر جىل بۇرىن باستاعان. ول وسى ۋاقىت ىشىندە اۆستراليا، كاموبدجا، يندونەزيا، سينگاپۋر، الماتى، استانا جانە تارازدا بولعان.

«الەمدى ەسكى ۆەلوسيپەدپەن ارالاپ شىققان ساياحاتشىعا جاڭا دوستارى جاڭا بايك سىيلادى. فۋمي سىيلىقتى قۋانا قابىلدادى. فەيسبۋك جەلىسىنە زاحار اگافونوۆ جاريالاعان ۆيدەودان جاس جىگىتتىڭ بۇعان سەنە الماي تۇرعانىن بايقاۋعا بولادى»، - دەپ جازدى Otyrar.

فۋمي شىمكەنتتىكتەردىڭ مۇنداي كومەگى، قولداۋى كۇتپەگەن جاعداي بولعانىن ايتتى. ونى كۇتىپ الىپ، قوناق ۇيگە ورنالاستىرىپ، ۆەلوسيپەدىن وڭداپ، قالانى ارالاتىپ، وعان ارناپ داستارقان جايىلدى.

ول شىمكەنتتەن وزبەكستانعا، ودان ءارى تۇركىمەنستان، يران، ازەربايجان، گرۋزيا، تۇركيا، گرەكياعا بارماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى