قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرۋ قاعيدالارىن بەكىتۋ تۋرالى ەرەجە
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى
2015 -جىلعى 30 -ماۋسىم №544 استانا قالاسى
قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى 2009 -جىلعى 18 -قىركۇيەكتەگى كودەكسىنىڭ 7-بابىنىڭ 1-تارماعىنىڭ 80-تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدە- لۋگە جىبەرۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى؛
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا ءسوز باسىلىمدارىندا جانە «ادىلەت» اقپاراتتىق- قۇقىقتىق جۇيەسىندە رەسمي جاريالاۋعا جولداۋدى؛
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت- رەسۋرسىندا ورنالاستىرۋدى؛
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى زاڭ قىزمەتى دەپارتامەنتىنە وسى تارماقتىڭ 1)، 2)، 3) تارماقشالارىمەن كوزدەلگەن ءىس- شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى ا. ۆ. سويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 -جىلعى 30 -ماۋسىمداعى №544 -بۇيرىعىمەن بەكىتىلگەن
قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرۋ قاعيدالارى (بۇدان ءارى - قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 -جىلعى 18 -قىركۇيەكتەگى كودەكسىنىڭ 7-بابىنىڭ 1-تارماعىنىڭ 80-تارماقشاسىنا (بۇدان ءارى - كودەكس) سايكەس ازىرلەندى جانە قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلدە ەمدەلۋگە جىبەرۋ ءتارتىبىن ايقىندايدى.
2. وسى قاعيدالار قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلدىك مەديتسينالىق ۇيىمدارعا ەمدەلۋگە جىبەرۋ ءتارتىبىن رەتتەيدى.
3. قازاقستان رەسپۋبليكاسىنىڭ ازاماتتارىن شەتەلدىك مەديتسينالىق ۇيىمدارعا ەمدەلۋگە جىبەرۋدى قازاقستان رەسپۋبليكاسىنىڭ دەنساۋلىق ساقتاۋ سالاسىنداعى ۋاكىلەتتى ورگان (بۇدان ءارى - ۋاكىلەتتى ورگان) بيۋدجەت قاراجاتى ەسەبىنەن:
1) وسى قاعيدالارعا 1-قوسىمشاعا سايكەس قازاقستان رەسپۋبليكاسىنىڭ ازاماتتارى بيۋدجەت قاراجاتى ەسەبىنەن شەتەلگە ەمدەلۋگە جىبەرىلەتىن اۋرۋلاردىڭ تىزبەسىنە سايكەس؛
2) وسى قاعيدالارعا 2-قوسىمشاعا سايكەس بيۋدجەت قاراجاتى ەسەبىنەن شەتەلگە ەمدەلۋگە جىبەرىلەتىن قازاقستان رەسپۋبليكاسى ازاماتتارىنىڭ جەكەلەگەن ساناتتارىنىڭ تىزبەسىنە سايكەس جۇزەگە اسىرادى.
4. وسى قاعيدالاردا پايدالانىلاتىن نەگىزگى ۇعىمدار:
1) قازاقستان رەسپۋبليكاسىنىڭ ازاماتتارىن شەتەلدىك مەديتسينالىق ۇيىمدارعا ەمدەلۋگە جىبەرۋ جونىندەگى تۇراقتى جۇمىس ىستەيتىن كوميسسيا (بۇدان ءارى - كوميسسيا) - ۋاكىلەتتى ورگان جانىنداعى قازاقستان رەسپۋبليكاسىنىڭ ازاماتتارىن شەتەلدىك مەديتسينالىق ۇيىمدارعا دەنساۋلىق تۋرالى كودەكستىڭ 7-بابىنىڭ 80-تارماقشاسىنىڭ نەگىزىندە ايقىندالعان تارتىپپەن جىبەرۋ جونىندەگى كونسۋلتاتسيالىق- كەڭەستىك ورگان؛
2) جۇمىس ورگانى - قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرۋ ماسەلەلەرى بويىنشا دەنساۋلىق تۋرالى كودەكستىڭ 7-بابىنىڭ 80) تارماقشاسىنا سايكەس ۋاكىلەتتى ورگانمەن ايقىندايتىن كونسۋلتاتسيالىق ورگان؛
3) دەنساۋلىق ساقتاۋ سالاسىنداعى ۋاكىلەتتى ورگان (بۇدان ءارى - ۋاكىلەتتى ورگان) - ازاماتتاردىڭ دەنساۋلىعىن ساقتاۋ، مەديتسينالىق جانە فارماتسيەۆتيكالىق عىلىم، مەديتسينالىق جانە فارماتسيەۆتيكالىق ءبىلىم بەرۋ، دارىلىك زاتتاردىڭ، مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى، مەديتسينالىق قىزمەتتەردىڭ ساپاسىن باقىلاۋ سالاسىنداعى باسشىلىقتى جۇزەگە اسىراتىن مەملەكەتتىك ورگان؛ 4) دەنساۋلىق ساقتاۋ باسقارماسى - وبلىستاردىڭ، رەسپۋبليكالىق ماڭىزى بار قالانىڭ، استانانىڭ دەنساۋلىق ساقتاۋدى باسقارۋدىڭ جەرگىلىكتى ورگانى.
2. قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرۋ ءتارتىبى
5. قازاقستان رەسپۋبليكاسىنىڭ ازاماتتارىن بيۋدجەت قاراجاتى ەسەبىنەن شەتەلگە ەمدەلۋگە جىبەرى ماسەلەسىن دەنساۋلىق ساقتاۋ باسقارماسى كوميسسيانىڭ قاراۋىنا مىناداي قۇجاتتاردى ەنگىزەدى:
1) دەنساۋلىق ساقتاۋ باسقارماسىنىڭ پاتسيەنتتى شەتەلدىك مەديتسينالىق ۇيىمدارعا ەمدەلۋگە جىبەرۋ تۋرالى قولداۋحاتى؛
2) پاتسەنتتتىڭ جەكە باسىن كۋالاندىراتىن قۇجاتتىڭ كوشىرمەسى؛
3) جۇمىس ورگانىنىڭ پاتسيەنتتى بيۋدجەت قاراجاتى ەسەبىنەن دالەلدى مەديتسينانىڭ نەگىزىندە وسى پاتسيەنتتى ەمدەۋدىڭ جوعارى تەحنولوگيالىق ءادىسى نەعۇرلىم ءتيىمدى جۇرگىزىلەتىن شەتەلدىك مەديتسينالىق ۇيىمدارعا ەمدەلۋگە جىبەرۋدىڭ ورىندىلىعى تۋرالى قورىتىندىسى (بۇدان ءارى - قورىتىندى).
6. قورىتىندىنى الۋ ءۇشىن دەنساۋلىق ساقتاۋ باسقارماسى جۇمىس ورگانىنا رەسپۋبليكالىق مەديتسينالىق ۇيىم ۇسىنعان، جۇرگىزىلگەن بارلىق زەرتتەۋلەردىڭ، كونسۋلتاتسيالاردىڭ، ەمدەۋدىڭ ناتيجەلەرىن جانە پاتسيەنتتى شەتەلدىك مەديتسينالىق ۇيىمداردا ەمدەۋ قاجەتتىلىگى تۋرالى قورىتىندىنى قامتيتىن اۋرۋ تاريحىنان ەگجەي- تەگجەيلى ءۇزىندىنىڭ كوشىرمەسىن جىبەرەدى. ەمدەۋشى دارىگەر قول قويعان جانە ءبىرىنشى باسشى (ونى الماستىراتىن تۇلعا) راستاعان ءارى ءمور سوعىلعان اۋرۋ تا- ريحىنان ءۇزىندى جۇمىس ورگانىنا جىبەرىلگەنگە دەيىن ءبىر ايدان كەشىكتىرىلمەي بەرىلۋى ءتيىس.
7. دەنساۋلىق ساقتاۋ باسقارماسى پاتسيەنتتىڭ مەديتسينالىق قۇجاتتارىن جۇمىس ورگانىنا قولما- قول نەمەسە ين- تەرنەت- بايلانىسى ارقىلى ولاردى تىركەگەن ساتتەن باستاپ 3 جۇمىس كۇنى ىشىندە جەتكىزەدى.
8. جۇمىس ورگانى قورىتىندىنى ۇسىنۋى ءۇشىن:
1) دەنساۋلىق ساقتاۋ باسقارماسى ۇسىنعان پاتسيەنتتىڭ مەديتسينالىق قۇجاتتارىن قارايدى؛
2) ۋاكىلەتتى ورگاننىڭ شتاتتان تىس باس ماماندارىن تارتادى؛
3) قازاقستان رەسپۋبليكاسىنىڭ مەديتسينالىق ۇيىمدارىنىڭ جاعدايىندا جۇرگىزىلگەن بارلىق زەرتتەۋلەردى ۇسىنا وتىرىپ، پاتسيەنتتى شەتەلگە ەمدەلۋگە جىبەرۋ مانىنە شەتەلدىك مەديتسينالىق ۇيىمدارمەن مىندەتتى تۇردە الدىن الا تەلەمەديتسينالىق كونسۋلتاتسيالار وتكىزەدى. قاجەت بولعان كەزدە شەتەلدىك مەديتسينالىق ۇيىم تەلەمەديتسينالىق كونسۋلتاتسيانى پاتسيەنتتىڭ قاتىسۋىمەن وتكىزەدى؛
4) شەتەلدىك مەديتسينالىق ۇيىم پاتسيەنتتى ەمدەۋ تۋرالى كەلىسكەن جانە راستاعان كەزدە ەمدەۋ باعدارلاماسى مەن ونى كورسەتۋگە ارنالعان شىعىستار كالكۋلياتسياسىن سۇراتادى؛
5) ۇسىنىلعان ەمدەۋ باعدارلاماسىنا سايكەس شەتەلدىك مەديتسينالىق ۇيىمنىڭ كەلىسىمى بويىنشا جۇمىس ورگا- نى نەمەسە قازاقستان رەسپۋبليكاسىنىڭ وزگە بەيىندى مەديتسينالىق ۇيىمداردىڭ جاعدايىندا قوسىمشا تەكسەرۋدى، مامانداردىڭ كونسۋلتاتسياسىن وتكىزەدى، ال ولاردى وتكىزۋ مۇمكىن بولماعاندا ولاردى شەتەلدىك مەديتسينالىق ۇيىمداردا وتكىزۋگە كەلىسەدى؛
6) وتكىزىلگەن تەلەكونسۋلتاتسيانىڭ، باعا ساياساتىنىڭ ماركەتينگتىك زەرتتەۋلەر ناتيجەلەرىنىڭ جانە ەمدەۋدى جۇرگىزۋ تالاپتارىنىڭ نەگىزىندە شەتەلدىك مەديتسينالىق ۇيىمدى ىرىكتەۋدى جۇرگىزەدى جانە كەمىندە 2 شەتەلدىك مەديتسينالىق ۇيىمدا ەمدەۋ قۇنىنىڭ تالداۋى بار وسى قاعيدالارعا 3-قوسىمشاعا سايكەس نىسان بويىنشا قورىتىندى بەرەدى.
7) شەتەلگە ەمدەلۋگە جىبەرىلەتىن پاتسيەنتتەردىڭ اۋرۋلارى تۋرالى دەرەكتەر بازاسىن قۇرادى؛
8) شەتەلدىك مەديتسينالىق ۇيىمدارعا ەمدەلۋگە جىبەرىلگەن پاتسيەنتتەردى ەمدەۋ ناتيجەلەرىنە مونيتورينگ جۇرگىزەدى؛
9) پاتسيەنتتى شەتەلدىك مەديتسينالىق ۇيىمدارعا ەمدەلۋگە جىبەرۋدىڭ ورىندىلىعىن انىقتايتىن وتاندىق مەديتسينالىق ۇيىمداردا قولدانىلمايتىن دياگنوستيكالاۋ مەن ەمدەۋدىڭ جوعارى تەحنولوگيالىق ادىستەرىنىڭ با- زاسىن قالىپتاستىرادى؛
10) ۋاكىلەتتى ورگانعا جارتىجىلدىقتا 1 رەت قازاقستان رەسپۋبليكاسى ازاماتتارىنىڭ شەتەلدىك مەديتسينالىق ۇيىمداردا ەمدەلۋى بويىنشا كەلەسى ەسەپتى ايدىڭ 15-كۇنىنە تالدامالىق اقپاراتتى ۇسىنادى. قورىتىندىنى ناۋقاستى ەمدەۋگە جاتقىزۋعا نەمەسە قوسىمشا زەرتحانالىق- دياگنوستيكالىق زەرتتەۋلەردى جۇرگىزۋگە كورسەتىلىمدەرى بولماعان جاعدايدا جۇمىس ورگانى دەنساۋلىق ساقتاۋ باسقارماسىنا قۇجاتتار كەلىپ تۇسكەن كۇنىنەن باستاپ 7 جۇمىس كۇنىنىڭ ىشىندە جانە پاتسيەنتكە قازاقستان رەسپۋبليكاسىنىڭ مەديتسينالىق ۇيىمدارىندا قوسىمشا تەكسەرۋ نەمەسە ەمدەۋ جۇرگىزىلگەن جاعدايدا 20 كۇننىڭ ىشىندە ۇسىنادى.
9. پاتسيەنتتى شەتەلدىك مەديتسينالىق ۇيىمداردا ەمدەلۋگە جىبەرۋ (جىبەرۋدەن باس تارتۋ) تۋرالى شەشىمدى كوميسسيا وسى قاعيدالاردىڭ 5-تارماعىندا كورسەتىلگەن ۇسىنىلعان قۇجاتتاردىڭ نەگىزىندە، ولار ۋاكىلەتتى ورگانعا تۇسكەن كۇنىنەن باستاپ 10 جۇمىس كۇنىنەن اسپايتىن مەرزىمدە قابىلدايدى.
10. شەتەلدىك مەديتسينالىق ۇيىمدى تاڭداۋدى كوميسسيا وسى شەتەلدىك مەديتسينالىق ۇيىمدا مەديتسينالىق كومەك كورسەتۋدىڭ ساپاسىن، كۇتۋ ۇزاقتىعىن جانە باعا ساياساتىن ەسەپكە الا وتىرىپ، جۇمىس ورگانى بەرگەن ۇسىنىمداردى ەسكەرە وتىرىپ جۇزەگە اسىرادى.
11. كوميسسيانىڭ پاتسيەنتتى كەزەكتىلىك نەمەسە باسىم تارتىپپەن شەتەلدىك مەديتسينالىق ۇيىمداردا ەمدەلۋگە جىبەرۋ (جىبەرۋدەن باس تارتۋ) تۋرالى شەشىمى كوميسسيا وتىرىسىنىڭ حاتتاماسىمەن رەسىمدەلەدى. باسىم تارتىپپەن بالالار، جۇكتى ايەلدەر، پاتسيەنتتەر اۋرۋدىڭ ءبىر بەيىنى بولىگىندەگى قالىپتاسقان كەزەكتىلىككە سايكەس تۋىستىق دونور بولعان جاعدايدا اعزالاردى، تىندەردى ترانسپلانتتاۋ جۇرگىزۋدى قاجەت ەتەتىن پاتسيەنتتەر، سونداي- اق دەنساۋلىق جاعدايى ومىرىنە ءقاۋىپ توندىرەتىن پاتسيەنتەر جىبەرىلەدى.
12. كوميسسيانىڭ پاتسيەنتتى شەتەلدىك مەديتسينالىق ۇيىمدارعا ەمدەلۋگە جىبەرۋ (جىبەرۋدەن باس تارتۋ) تۋرالى شەشىمى 5 جۇمىس كۇنىنىڭ ىشىندە جازباشا نىساندا پاتسيەنتكە (ونىڭ زاڭدى وكىلىنە) جىبەرىلەدى. كوميسسيا پاتسيەنتتى شەتەلدىك مەديتسينالىق ۇيىمدارعا ەمدەلۋگە جىبەرۋدەن باس تارتۋ تۋرالى شەشىم قابىل- داعان جاعدايدا ۋاكىلەتتى ورگان 5 جۇمىس كۇنىنىڭ ىشىندە پاتسيەنتكە (ونىڭ زاڭدى وكىلىنە) قازاقستان رەسپۋب- ليكاسىنىڭ زاڭناماسىنا سايكەس رەسپۋبليكانىڭ اۋماعىندا مەديتسينالىق كومەك كورسەتۋ تۋرالى ۇسىنىم بەرەدى.
13. بالالار، سونداي-اق بوگدە كۇتىمدى قاجەت ەتەتىن ادامدار شەتەلدىك مەديتسينالىق ۇيىمدارعا جول ءجۇرۋ شىعىستارىن بيۋدجەت قاراجاتى ەسەبىنەن ۋاكىلەتتى ورگان تولەيتىن الىپ جۇرەتىن اداممەن جىبەرىلەدى.
14. ۋاكىلەتتى ورگان جۇمىس ورگاننىڭ ۇسىنىمدارىن ەسكەرە وتىرىپ، كوميسسيا شەشىمىنىڭ نەگىزىندە شەتەلدىك مەدي- تسينالىق ۇيىممەن قازاقستان رەسپۋبليكاسىنىڭ ازاماتتارىنا مەديتسينالىق قىزمەت كورسەتۋ تۋرالى شارت جاساسادى.
15. ۋاكىلەتتى ورگان پاتسيەنتتەردىڭ ەمدەۋ جانە جول ءجۇرۋ شىعىستارىن تولەۋدى جۇرگىزەدى.
16. شەتەلدىك كلينيكالارعا ەمدەلۋگە ءوز بەتىنشە شىققان پاتسيەنتتەردىڭ ماتەريالدارىن كوميسسيا قارامايدى جانە شىعىستارى تولەۋگە جاتپايدى.
17. شارت ەمدەۋ ادىستەرىنە جانە ۇزاقتىعىنا قاراي ۇزاق مەرزىمدى سيپاتقا يە بولۋى جانە ەمدەۋگە كەزەڭ- كەزەڭىمەن اقى تولەۋدى كوزدەۋى مۇمكىن. كەزەڭ- كەزەڭىمەن ەمدەۋ پاتسيەنتتى شەتەلدىك مەديتسينالىق ۇيىمعا اعزالاردى (اعزالاردىڭ بولىگىن) جانە (نەمەسە) تىندەردى (ءتىننىڭ بولىگىن) ترانسپلانتتاۋعا جىبەرگەن جاعدايدا كوزدەلەدى. بۇل رەتتە ەمدەۋدىڭ ءبىرىنشى كەزەڭى شەتەلدىك مەديتسينالىق ۇيىمدا دونوردى تاڭداۋ، سونداي- اق تىكەلەي دونوردى ىزدەستىرۋ ءۇشىن پاتسيەنتتى قاجەتتى زەرتتەۋلەر جۇرگىزۋدى كوزدەيدى. شەتەلدە اعزالار جانە (نەمەسە) تىندەردى ترانسپلانتتاۋ كەزەگىندە تۇرعان پاتسيەنتتەرگە HLA - تيپتەۋ جۇرگىزۋ قاجەت بولعان جاعدايدا ولارعا دونور ىزدەۋدى جالعاستىرۋ ءۇشىن، كوميسسيانىڭ شەشىمى بويىنشا، ۋاكىلەتتى ورگان ايقىنداعان مەديتسينالىق ۇيىم توقسان سايىن اعزالار (اعزالاردىڭ بولىگىن) جانە (نەمەسە) تىندەردىڭ (ءتىننىڭ بولىگىن) ترانسپلانتتاۋىن قاجەت ەتەتىن پاتسيەنتتەردىڭ قان سارىسۋىن الىپ، شەتەلدىك مەديتسينالىق ۇيىمعا بيۋدجەت قاراجاتىنىڭ ەسەبىنەن جەتكىزەدى. دونوردى تاڭداعان جاعدايدا پاتسيەنت ەمدەۋدىڭ ەكىنشى كەزەڭىنە - اعزالار (اعزالاردىڭ بولىگىن) مەن تىندەردى (ءتىننىڭ بولىگىن) ترانسپلانتتاۋعا جىبەرىلەدى. پاتسيەنتتىڭ ءبىرىنشى جانە ەكىنشى كەزەڭدەگى، سونداي- اق الىپ جۇرەتىن ادامنىڭ جول جۇرۋىنە اقى تولەۋدى كوميسسيانىڭ شەشىمى بويىنشا ۋاكىلەتتى ورگان جۇزەگە اسىرادى. اعزالار (اعزالاردىڭ بولىگىن) مەن تىندەردى (ءتىننىڭ بولىگىن) ترانسپلانتتاۋ كەزىندە ەمدەۋدىڭ ءاربىر كەزەڭىنە ۋاكىلەتتى ورگان شەتەلدىك مەديتسينالىق ۇيىممەن جەكە شارت جاساسادى.
18. ۋاكىلەتتى ورگان شەتەلدىك مەديتسينالىق ۇيىمعا پاتسيەنتتى شەتەلدە ەمدەۋ بويىنشا شارتتىڭ جالپى سوماسى- نان %70 عا دەيىنگى مولشەردە اۆانس تولەيدى. ۇزاق مەرزىمدى ەمدەۋ كەزىندە ۋاكىلەتتى ورگان اتقارىلعان جۇمىستاردىڭ ارالىق اكتىلەرى بويىنشا شەتەلدىك كلينيكاعا اي سايىنعى تولەمدى جۇرگىزەدى. تۇپكىلىكتى تولەم شەتەلدىك مەديتسينالىق ۇيىم اتقارىلعان جۇمىستاردىڭ قورىتىندى اكتىسىن ۇسىنعاننان كەيىن جۇزەگە اسىرىلادى.
