ساكەن سەيفۋللين نەگىزىن قالاعان مەكتەپ عاسىرلىق مەرەيتويىنا ازىرلەنۋدە
ايتۋلى مەرەكە قارساڭىندا ءبىلىم وشاعىنىڭ جانىنداعى قوعامدىق مۇراجاي قۇندى جادىگەرلەرمەن تولىقتى. مەرەيلى مەكتەپتىڭ نەگىزىن 1916 -جىلى نۇرا اۋدانىندا ساكەن سەيفۋللين قالاعان ەكەن. ءبىر عاسىرلىق تاريحى بار ءبىلىم وشاعى تالاي مارتە قايتا قۇرىلدى، ورنىن دا اۋىستىردى. سوعان قاراماستان مەكتەپ مۇراجايى ۇلتىمىزدىڭ ۇلى پەرزەنتى، حالىقشىل قالامگەردىڭ ومىرىنەن سىر شەرتەتىن تالاي قۇندى دەرەكتى كوزدىڭ قاراشىعىنداي ساقتاپ كەلەدى.
قازىر مۇندا 450 گە جۋىق جادىگەر بار. كونە سۋرەتتەر، تۇرمىستىق بۇيىمدار مەن قازاق ادەبيەتىنىڭ ءوسىپ- وركەندەۋىنە نەگىز بولعان ءتۇپنۇسقالاردى كەزدەستىرۋگە بولادى. بۇگىندە مەكتەپتە 200 دەن استام بالا ءبىلىم الادى. ولار ساكەن وقۋلارىنا، عىلىمي جوبالار مەن زەرتتەۋ جۇمىستارىنا بەلسەنە قاتىسىپ ءجۇر.
«ءبىزدىڭ وقۋشىلار كەزىندە وسى مەكتەپتە وقىعاندار جايىندا مالىمەتتەر ىزدەپ تابۋعا تىرىستى. جازبالارعا سۇيەنسەك، 40 وقۋشى بولعان ەكەن. ءبىز ولاردىڭ 20 سىنىڭ ءتىزىمىن جاسادىق. ساكەن سەيفۋلليننەن ءبىلىم العانداردىڭ ۇرپاقتارى بار. ولار ءۇشىن بۇل ۇلكەن ماقتانىش. اقىننىڭ رۋحىنا دەگەن قۇرمەت»، - دەيدى س. سەيفۋللين اتىنداعى مەكتەپتىڭ ديرەكتورى اتىمتاي بالابيەۆ.
