رامازان ايىنىڭ سوڭىنا تامان قاجىلار سانى رەكوردتىق كورسەتكىشكە يە بولماق
ساۋد ارابياسىنىڭ قاجىلىق مينيسترلىگىنىڭ بولجامى بويىنشا، ولاردىڭ سانى 6 ميلليوننان اسىپ جىعىلماق، دەپ جازادى muslim.kz.
«رامازاننىڭ سوڭعى 10 كۇنىندە كەلۋشىلەردىڭ سانى كۇرت ارتادى. ءبىز قاجىلاردىڭ ءدىني راسىمدەردى ەش قيىندىقسىز اتقارۋىنا بارلىق مۇمكىندىكتەردى پايدالاناتىن بولامىز»، - دەلىنگەن قاجىلىق مينيسترلىگىنىڭ مالىمدەمەسىندە.
ايتا كەتەيىك، ساۋد ارابيا بيلىگى جاقىندا كورولدىك الەۋەتىن ارتتىرۋعا باعىتتالعان «كەلەشەك-2030» ستراتەگيالىق باعدارلاماسىن جاريالاعان بولاتىن. اتالعان قۇجاتتا قاجىلىق يندۋسترياسىن دامىتۋ جولدارى دا قاراستىرىلعان.
قازىرگى ۋاقىتتا كورولدىك قازىناسىنا قاجىلىق يندۋسترياسىنان جىل سايىن 12 ميلليارد دوللار ءتۇسىپ وتىرسا، بۇل كورسەتكىش 2030-جىلى 53 ميللياردتان اسىپ تۇسپەك.
