عالىمدار ادامداردىڭ جاقسى مەن جامانعا ءبولىنۋى سەبەپتەرىن ءتۇسىندىردى
زەرتتەۋ PLOS Computational Biology جۋرنالىندا جاريالاندى. ول تۋرالى EurekAlert باسىلىمىنا سىلتەمە جاساپ، Lenta.ru حابارلادى.
جۇمىس بارىسىندا ادامداردىڭ باسىم بولىگىندە سول نەمەسە وزگە مىنەز-قۇلىقتىڭ قالىپتاسۋىنا گەنەتيكالىق بەيىمدىلىك بولاتىنى انىقتالعان. مۇنداي تۇجىرىمعا عالىمدار جانۋارلار مەن ادامداردىڭ الەۋمەتتىك ءوزارا قارىم- قاتىناسىنىڭ ەۆوليۋتسياسىن زەردەلەۋگە مۇمكىندىك بەرەتىن ماتەماتيكالىق مودەل ازىرلەي وتىرىپ كەلدى.
ميكروبتاردىڭ بولۋىن سيپاتتايتىن ۇلگىدە بيولوگتار ادامداردىڭ الەۋمەتتىك ەۆوليۋتسياسىنىڭ ۇلگىسىن جاساپ كوردى. ولار باسقانىڭ قامىن ويلاۋعا ىقپال ەتەتىن جانە كەدەرگى كەلتىرەتىن بەلگىلەردىڭ ءوسىپ-ءونىپ تارالۋىن بولجادى.
ادامداردىڭ مىنەزى تۇقىم قۋالايتىن گەنەتيكالىق فاكتورلار جيىنتىعىمەن ايقىندالادى. اتاپ ايتقاندا، قوعامنىڭ باسقا مۇشەسىمەن بايلانىستى قامتاماسىز ەتەدى. مۇنداي ءوزارا ارەكەت تىكەلەي جەكە تۇلعا ءۇشىن كوبىنەسە تىكەلەي زياندى بولادى. الايدا توپقا قاتىستىلىعىن ۇعىنۋ جاعدايدى وزگەشە قابىلداۋعا مۇمكىندىك بەرەدى.
«ءبىز بۇگىندە مۇنى مىنەز- قۇلىققا ىقپال ەتەتىن باسقا فاكتورلارمەن بىرگە ءبىرىڭعاي قۇرىلىم اياسىندا زەرتتەۋگە مۇمكىندىك بەرەتىن مودەل ازىرلەدىك»، دەدى زەرتتەۋدى بىرلەسىپ ورىنداۋشى ولوف لەيمار. ول زەرتتەۋشىلەر ءوز مودەلىن ەسكپەريمەنتتە تەكسەرىپ كورمەكشى ەكەنىن اتاپ ءوتتى.
