قازاقستان ۆولەيبولشىلارى گەرمانيادان ۇتىلىپ قالدى

كەزدەسۋدىڭ العاشقى مينۋتتارىنان شابۋىلعا دەن قويعان نەمىستەردىڭ قارقىنىنا توتەپ بەرە الماعان الاڭ يەلەرى دوپتى قابىلداۋ كەزىندە قاتەلىكتەر جىبەرىپ جاتتى. ناتيجەسىندە گەرمانيا قۇراماسى ءۇش پارتيادا جەڭىسكە جەتتى. قورىتىندى ەسەپ - قازاقستان - گەرمانيا 0:3 (21:25, 19:25, 25:27).

«ءبىز ءوز قارسىلاستارىمىزعا تىم كوپ قۇرمەت كورسەتىپ قويعان سياقتىمىز. گەرمانيا قۇراماسىنىڭ كۇشى، تاريحى مەن اتاعى جايلى بارىمىزگە ءمالىم، ءبىراق بىزگە ءوز ويىنىمىزدى ويناۋ كەرەك ەدى. بۇدان بولەك، ءبىز باسقا ويىنشىلار كەلەدى دەپ كۇتكەن بولاتىنبىز، ال جاڭا قۇرامنىڭ كەلۋى ءبىز ءۇشىن توسىن جايت بولدى»، - دەپ اتاپ ءوتتى قازاقستان قۇراماسىنىڭ باس باپكەرى رافايل گيليازۋتدينوۆ.

«باستاپقى ەكى پارتيادا ءبىز ءوزىمىزدى جاقسى جاعىنان كورسەتتىك جانە وعان ويىن ەسەبى كۋا. ءۇشىنشى پارتيادا قارسىلاستارىمىز ويىندى ءوز ارناسىنا بۇرعاندىقتان، وسى وزگەرىستەرگە ۇيرەنۋ ءۇشىن ءبىز ءبىرتالاي ۋاقىت كەتىرىپ الدىق. الايدا، تولىق جەڭىسكە جەتكەنىمىزگە وتە قۋانىشتىمىز، - دەدى گەرمانيا قۇراماسىنىڭ باس باپكەرى ۆيتال حەينەن.

اتاپ وتەيىك، الەمدىك ليگانىڭ ەكىنشى ىرىكتەۋ كەزەڭىندە ءۇشىنشى توپتا ونەر كورسەتكەن يسپانيا قۇراماسى 1:3 (20:25, 22:25, 26:24, 20:25) ەسەبىمەن قىتايلىق تايپەيگە ەسە جىبەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى