قىتايلىق كىسى جەرلەنگەسىن ءۇش جىلدان كەيىن ۇيىنە كەلگەن

بۇل تۋرالى «شينحۋا» اقپارىنا سۇيەنگەن ras.kz حابارلادى.

اقىل-ەسى كەم جىگىت بۇدان جەتى جىل بۇرىن ءۇشتى- كۇيلى جوق بولىپ كەتەدى.

كەيىنىرەك سوت- مەديتسينا ساراپشىلارى ونىڭ تۋعان- تۋىستارىنا جىگىتتى ماشينا قاعىپ، ولتىرگەنىن جەتكىزەدى. وسىدان كەيىن 2012 -جىلعا دەيىن ىزدەۋدەن جۇرگەن ادامداردىڭ قاتارىندا بولىپ كەلگەن ول تىزىمنەن شىعارىپ تاستالادى.

ال ما سيسياننىڭ تۋعان- تۋىستارى وسىعان بايلانىستى ونىڭ سىرتىنان جانازا شىعارادى. ءۇش جىلدان كەيىن ما «مارقۇمنىڭ» و دۇنيەدەن قايتا ورالعانىن كورگەندە، ولار ەستەرىنەن تانىپ قالا جازدايدى. سويتسە، ول ءوز مولاسىنىڭ باسىندا تۇرعان ەكەن.

انىقتالعانداي، ما وسى جىلداردىڭ بارىندە جەرگىلىكتى جابىق مەكەمەلەردىڭ بىرىندە جۇمىس جاساپتى. ەگەر جۇمىستان شىعارىپ جىبەرمەگەندەرىندە، ءالى دە سوندا جۇرە بەرەتىن كورىنەدى.

قازىر بيلىك وكىلدەرى ما سيسياننىڭ ورنىنا كىمنىڭ جەرلەنگەنىن انىقتاۋ ۇستىندە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى