گ. ءابدىقالىقوۆا ادەبيەت جانە ونەر سالاسىندا ق ر مەملەكەتتىك سىيلىعىن بەرۋ جونىندەگى كوميسسيا وتىرىسىن وتكىزدى - فوتو
«بۇگىن ءبىز كەلەسى كەزەڭگە جۇمىستاردى ىرىكتەپ الۋىمىز قاجەت. «قازاقستان-2050» ستراتەگياسىندا مەملەكەتتىك ءتىلدى دامىتۋ، حالىقتىڭ مادەنيەتىن، سالت-ءداستۇرىن، رۋحاني قۇندىلىقتارىن ساقتاۋ كەرەكتىگى ايقىن كورسەتىلگەن. كوميسسيا جۇمىسى مەملەكەتتىك قولداۋعا تىعىز بايلانىستى. سوندىقتان، مەملەكەتتىك سىيلىق قوعام تاراپىنان قىزۋ قولداۋعا يە بولعان كورنەكتى شىعارماعا بەرىلۋى ءتيىس. ال شىعارمالار رۋحاني-مادەني، پاتريوتتىق سيپاتقا يە بولۋى كەرەك. مەملەكەتتىك سىيلىق بويىنشا قورىتىندى شەشىمدى ق ر پرەزيدەنتى قابىلدايدى جانە سىيلىقتى ءوزى تابىس ەتەدى. بۇل مەملەكەتتىك سىيلىقتىڭ مارتەبەسىنىڭ وتە جوعارى ەكەندىگىن كورسەتەدى»، - دەدى گ. ءابدىقالىقوۆا.
ايتا كەتەلىك، شىعارمالار كوميسسيانىڭ ءاربىر مۇشەسىنە تاراتىلىپ بەرىلدى. كوميسسيا قۇرامىنا 48 ادام ەنگەن. بۇگىنگى وتىرىسقا كوميسسيانىڭ 37 مۇشەسى قاتىستى. قالعاندارى دالەلدى سەبەپتەرمەن قاتىسا المادى.
كەلىپ تۇسكەن شىعارمالار ءۇش سەكتسيادا، ياعني ادەبيەت، مۋزىكا، تەاتر جانە كينو، بەينەلەۋ ونەرى جانە ساۋلەت سەكتورلارىندا قارالدى. سەكتسيا جۇمىستارى جاسىرىن داۋىس بەرۋمەن اياقتالدى. داۋىس بەرۋ بارىسىندا كەلەسى تۋرعا قاتىسۋعا ۇسىنىلعان شىعارمالار تاڭداپ الىندى. كوميسسيا شەشىمى بويىنشا ۇمىتكەرلەردىڭ ءتىزىمى بەكىتىلدى. كوميسسيانىڭ حاتتامالىق شەشىمىنە سايەس، شىعارمالار مەن ولاردىڭ اۆتورلارى جايىنداعى اقپارات الداعى ۋاقىتتا «ەگەمەن قازاقستان» جانە «كازاحستانسكايا پراۆدا» گازەتتەرىندە جاريالاناتىن بولادى.
