مينيستر اقتوبەدە سويقان سالعان سودىرلاردىڭ تىزىمىنەن قاتە كەتكەنىن مويىندادى

قالمۇحامبەت قاسىموۆ جاقىندا سودىرلاردىڭ اتى-ءجونىن قايتا جاريالايمىز دەدى. بۇل تۋرالى «ك ت ك» تەلەارناسى حابارلايدى.

باس پوليتسەيدىڭ ايتۋىنشا، مينيسترلىك تاراتقان رەسمي اقپاراتقا ينتەرنەتتە جۇرگەن لاڭكەستەردىڭ ءتىزىمى ساي كەلمەيدى ەكەن. قازىر اقتوبەدەگى قاندى وقيعانى ۇلتتىق قاۋىپسىزدىك كوميتەتى تەرگەپ جاتىر. قورىتىندىسى شىققان سوڭ سودىرلاردىڭ اتى-ءجونى قايتا جاريالانباق.

ويتكەنى، تۇسىنىكسىز جاعدايدا تەرروريستەردىڭ تىزىمىنە بايناساي اۋىلىنداعى مەكتەپتىڭ 11-سىنىپ وقۋشىسى ساعىنعان سەيىتقالي دە ەنىپ كەتكەن. ال، اقتوبە قالاسىنىڭ تۇرعىنى دانيار ۋايسوۆ بولسا، ءوزىن پوليتسەيلەردىڭ قولىنان قازا بولعان لاڭكەستەردىڭ قاتارىنان كورىپ، تالىپ قالا جازداپتى.

5-ماۋسىم كۇنى ءبىر توپ قاسكوي اقتوبەدەگى قارۋ ساتاتىن ەكى دۇكەنگە جانە اسكەري بولىمگە شابۋىل جاساعان. سودىرلاردىڭ قولىنان سەگىز ادام قازا تاپتى، ولاردىڭ ۇشەۋى اسكەريلەر. 18 لاڭكەستىڭ كوزى جويىلدى. ال، 9 ى تىرىدەي ۇستالعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى