دەنساۋلىق: جۇرەكتىڭ اماندىعى ءۇشىن كۇن ىستىقتا نە ىستەۋ كەرەك؟
وسىعان بايلانىستى «ماسساگەت» پورتالىنىڭ دەنساۋلىق ايدارىندا بەرىلگەن ءبىرقاتار كەڭەستى وقىرمان نازارىنا ۇسىنامىز.
تەك، جۇرەگى اۋىراتىن ادامعا عانا ەمەس، بارلىق ادامعا ارنالعان ورتاق كەڭەس:
- ساعات تۇسكى 12.00-16.00 ارالىعىندا دالاعا شىقپاۋعا تىرىسىڭىز. ەگەر ونداي مۇمكىندىك بولماسا، كولەڭكە تاۋىپ، وقتا-تەكتە دەمالىپ تۇرىڭىز؛
- اشىق ءتۇستى تابيعي ماتادان تىگىلگەن كيىمدەر كيىڭىز؛
- بەلى تار جانە دەنەگە جابىسىپ تۇراتىن كيىمنەن باس تارتىڭىز؛
- ەت جانە مايدى از جەۋگە تىرىسىڭىز. مازىرىڭىزدە ءسۇت ونىمدەرى جانە وسىمدىك نەگىزىندەگى
تاعامداردىڭ كوپ بولۋىن قاداعالاڭىز. تۇزدان باس تارتۋعا تىرىسىڭىز؛
- سۋ، مورس جانە كوك شاي ءىشىڭىز. سونىمەن قاتار، مۇز جانە ليمون قوسىلعان شوپ شايلاردى ءىشىڭىز. گازدالعان سۋسىنداردان باس تارتىڭىز؛
- ەگەر سۋ جاعاسىنا بارساڭىز، سۋعا بىردەن تۇسپەڭىز. تەمپەراتۋرانىڭ بىردەن تومەندەۋى جۇرەك ۇستاماسىنا اكەلۋى مۇمكىن؛
- كۇنى بويى وزىڭىزگە بۇرىككىشتەن سۋ شاشۋىڭىزعا بولادى، الايدا ونىڭ ىشىندەگى سۋ اسا سۋىق ەمەس، جىلى بولعانى جاقسى.
جۇرەك اۋرۋى بار ادامدار ءۇشىن:
- بۇل جاعدايدا ارتىق سۇيىقتىڭ زيان بولۋى مۇمكىن. ەگەر سىزگە جۇرەكتىڭ يشەميالىق اۋرۋى بەلگىلەنگەن بولسا، تاۋلىگىنە سۋ مەن مورس ءىشۋدى 800 ميلليليترگە دەيىن قىسقارتۋ كەرەك. اعزادا سۋدىڭ توقتاپ قالۋى (زاستوي) ارتەريالىق قىسىمنىڭ جوعارىلاۋىنا اكەلۋى مۇمكىن. سوندىقتان، قاتتى شولدەسەڭىز، اۋزىڭىزدى سۋمەن شايىپ الىڭىز؛
- دارىگەرمەن كەڭەسىڭىز. قىسىمعا ارنالعان دارىلەر جازىپ بەرۋى مۇمكىن؛
- كۇننەن قورعايتىن كوزىلدىرىك كيىڭىز. كوز بۇلشىق ەتتەرىنە كۇش سالۋ قان تامىرلارىنىڭ قىسىلۋىنا اكەلەدى؛
- ىستىق كۇندەرى كەپتىرىلگەن ورىك، مەيىز، بانان، قاراقۇمىق، بادانا جەڭىز. ولار كالي مەن ماگنيگە باي، سوندىقتان جۇرەكتىڭ قالىپتى جۇمىس ىستەۋىنە كومەكتەسەدى؛
- تەمەكى تارتپاڭىز. نيكوتين قانعا وتتەگى كەلۋىنە كەدەرگى بولادى؛
ەگەر كوشەدە ادامنىڭ اۋىرىپ تۇرعانىن كورسەڭىز، ونى كولەڭكەگە اپارىپ، بەتىنە سۋ شاشىڭىز. جاعاسىن اشىپ، گالستۋك تاققان بولسا، ونى شەشىڭىز. ەگەر جاعدايى جاقسارماسا، مىندەتتى تۇردە جەدەل جاردەم شاقىرىڭىز.
