كەيبىر كوشە شامدارى دەنساۋلىققا زياندى - عالىمدار
بۇل تۋرالى nplus1.ru جازادى.
ا م ق ماماندارى سوڭعى 10 جىلدا شىققان جارىقتىڭ اعزاعا اسەرى تاقىرىبىنداعى ەڭبەكتەردىڭ بارلىعىن ساراپتاپ شىققان. ولار قولدانىستا كوپ كەزدەسەتىن كوك جانە جاسىل سپەكترلى جارىق شىعاراتىن جارىق ديودتى شامداردىڭ قۋاتتى جارىق لاستاۋشى ەكەندىگىن انىقتاعان.
اتاپ ايتار بولساق، كوررەلدىك ءتۇستىڭ تەمپەراتۋراسى 4000ك قالىپتى كوشە شامىندا كوك ءتۇستىڭ كولەمى 29 پايىز ءارى ول وتكىر اق ءتۇس رەتىندە قابىلدانادى. ونىڭ قانىقتىلىعى كوزگە جايسىز، ونى شارشاتادى، شاعىلىستىرۋ ەففەكتىسى سالدارىنان زاتتاردى قابىلداۋدى تومەندەتەدى، سونداي-اق كوز تورشاسىنا زاقىم كەلتىرەدى.
تۇتاستاي العاندا ونداي شام دەنساۋلىققا كەرى اسەر ەتەدى، ءارى تۇنگى جانۋارلاردى باعىتىنان جاڭىلىستىرىپ ولارعا دا زالال كەلتىرەدى. ا م ق وكىلدەرى توزىمدىلىگى مەن ەكونوميكالىق تيىمدىلىگىنە وراي جارىق ديودتى شامدار كەڭىنەن قولدانىلۋدا ەكەندىگىن العا تارتا وتىرىپ، ول جاڭا ستاندارتقا اينالاتىندىعىن اتاپ وتكەن. سوندىقتان ولار كوررەلدىك ءتۇستىڭ تەمپەراتۋراسى 3000ك- دان اسپايتىن شامداردى قولدانۋدى ۇسىنادى. ولاردىڭ جارىعى دا اق ءتۇستى، الايدا كوك ساۋلە سپەكترى از ءارى 4000ك شامنان تيىمدىلىگى 3 پايىزعا كەم.
