قازاقستان پرەزيدەنتى ش ى ۇ- نى بيۋروكراتيالىق ۇيىمعا اينالدىرماۋعا شاقىردى

مەملەكەت باسشىسى ش ى ۇ ەۋرازيالىق كەڭىستىكتە وتە ماڭىزدى ۇيىم ەكەنىن، وسى رەتتە ەكونوميكادا، قاۋىپسىزدىك پەن گۋمانيتارلىق سالادا ىنتىماقتاستىق قاراستىرىلعانىن اتاپ ءوتتى.

«ۋفاداعى كەزدەسۋدە ءبىز لاڭكەستىكپەن كۇرەس بويىنشا ورتاق كورپوراتسيانى قۇرۋعا كەلىستىك، ياعني وسى رەتتە ءبىزدىڭ ەلدەردىڭ قاۋىپسىزدىگى ەسكەرىلىپ وتىر. بۇل وتە ماڭىزدى. مەن ە ا ە و مەن ش ى ۇ- نىڭ ەركىن ساۋدا ايماعىن قۇرۋدى ۇسىندىم. بۇل باستاما قاراستىرىلۋدا، ال رەسەيلىك تاراپ قولداۋ ءبىلدىرىپ وتىر»، - دەدى ن. نازاربايەۆ.

بۇدان بولەك، مەملەكەت باسشىسى تاشكەنتتەگى ش ى ۇ سامميتىندە ۇيىمعا ءۇندىستان جانە پاكىستان سەكىلدى جاڭا مۇشەلەردى قابىلداۋ جوسپارلانىپ وتىرعانىن جەتكىزدى. سونىمەن قاتار يراننىڭ قوسىلۋى تالاپتارى قاراستىرىلماق.

پرەزيدەنتتىڭ سوزىنە قاراعاندا، سامميتىڭ ماڭىزدى ماسەلەلەرىنىڭ ءبىرى كولىك پەن لوگيستيكا سالاسىنداعى ىنتىماقتاستىق بولماق. بۇگىندە قىتايدىڭ «ءبىر بەلدەۋ - ءبىر جول» باستاماسى وتە ماڭىزدى. «وسى ورايدا قارجىلىق بازا، قور مەن بانك بار. سونداي-اق «نۇرلى جول» ينفراقۇرىلىمدىق باعدارلاماسى اتالعان باستامامەن شەكتەسىپ وتىر»، - دەپ توقتالدى ن. نازاربايەۆ.

ەلباسى ش ى ۇ مۇشەلەرى الدىندا تۇرعان نەگىزگى ماقسات ۇيىمدى فورماسىز، ەنجار، «قاعازباستى» بيۋروكراتيالىق ۇيىمعا اينالدىرماۋدا تۇرعاندىعىن قاداپ ايتتى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى