ارىقتاۋعا ارنالعان قاۋىن ديەتاسى
قاۋىن ديەتاسىن 1 اپتا بويى ۇستاعان ءجون. ەگەر بۇل ديەتانى 1 اپتا ۇستاساڭىز، 5 كگ ارتىق سالماقتان ارىلۋعا بولادى.
قاۋىن ديەتاسىنىڭ ەرەكشەلىكتەرى:
- قاۋىن قارىندى تويدىرادى جانە ۇزاق ۋاقىت بويى تويىپ تۇرعانداي سەزىمدە بولاسىز؛
- قاۋىننىڭ قۇرامىندا وسىمدىك وزەگىنىڭ (كلەتچاتكا) كوپ مولشەرى بار. سوندىقتان اس قورىتۋ جۇيەسىن قالپىنا كەلتىرۋگە، اعزانى قوقىستان جانە ارتىق تۇزدان تازارتۋعا كومەكتەسەدى؛
- قاۋىن قوسىمشا ەنەرگيا بەرەدى جانە ومىرلىك تونۋستى جوعارىلاتادى؛
- قاۋىن - تابيعي مايدى ىدىراتقىش. ول اعزاداعى اۋىر مايلاردىڭ جانە زيان حولەستەريننىڭ شىعۋىنا ىقپال ەتەدى.
قاۋىن ديەتاسىنىڭ ءمازىرى
بۇل ديەتانىڭ كۇندەلىكتى ءمازىرى 1-1,5 كگ قاۋىندى قۇرايدى. تاڭعى اسقا 1 شاعىن قاۋىن جۇمساعىنىڭ جارتىسىن جەۋ كەرەك. تۇسكى اس پەن كەشكى اسقا كۇندەلىكتى ءوزىڭىز جەيتىن تاعامدى جاساساڭىز بولادى، الايدا ونىڭ مايسىز جانە قۋىرىلماعان بولۋىن قاداعالاڭىز. قاۋىن ديەتاسى كەزىندە ءتاتتى تاعامدار دا جەمەۋ كەرەك. كەشكى استان سوڭ تاعى دا بىرنەشە ءتىلىم قاۋىن جەۋ قاجەت. ديەتا كەزىندە گازدالماعان قاراپايىم سۋ مەن شوپتىك شايلار عانا ىشۋگە بولادى. كۇنىنە شامامەن 2 ل سۇيىقتىق ءىشۋدى ۇمىتپاڭىز.
قاۋىندى قالاي تاڭداۋ كەرەك؟
ديەتا ويداعىداي ءوتۋى ءۇشىن ءونىم ساپاسىنا باسا ءمان بەرۋ كەرەك. قاۋىن مىندەتتى تۇردە پىسكەن بولۋى كەرەك. قاۋىننىڭ پىسكەنىن تەكسەرەتىن بىرنەشە ادىستەر بار. بىرىنشىدەن، قاۋىندى قاعىپ كورۋ كەرەك. ەگەر قاتاڭ دىبىس شىقسا، قاۋىننىڭ پىسكەنىن جانە ديەتاعا جارامدى ەكەنىن بىلدىرەدى. ەگەر ۇياڭ دىبىس شىقسا، قاۋىن تولىقتاي پىسپەگەن. ەكىنشىدەن، ەگەر قاۋىن پىسكەن بولسا، ونىڭ وتكىر ءارى جاعىمدى ءيىسى بولادى. ەگەر قاۋىن پىسپەگەن بولسا، ودان ءشوپتىڭ ءيىسى شىعادى نەمەسە مۇلدەم ءيىس شىقپايدى. ۇشىنشىدەن، جەمىستىڭ سىرتقى كەلبەتىنە ءمان بەرىڭىز. قاۋىننىڭ شىرىگەن نەمەسە زاقىمدالعان جەرلەرى بولماعانى جاقسى. قاۋىن ديەتاسىن شىلدە جانە تامىز ايىندا ۇستاعان ءجون. سول كەزدە قاۋىندى تاڭداۋ دا جەڭىلگە تۇسەدى. قاۋىننىڭ ءتۇرلى سورتتارىن بايقاپ كورىڭىز. سەبەبى، ديەتا كەزىندە كۇندە ءبىر تاماقتى قايتالاپ جەۋ جالىقتىرىپ جىبەرەدى.
massaget.kz
