بيلىك دوپينگ داۋىنا ىلىككەن سپورتشىلارعا بەرىلگەن سىي اقىلاردى قايتا تارتىپ الاما؟
ايتا كەتەيىك، قازاقستاندىق اۋىر اتلەتتەر بەيجىڭ مەن لوندوندا العان جۇلدەلەرى ءۇشىن پاتەرلەرمەن جانە كولىكتەرمەن ماراپاتتالعان بولاتىن.
ءمينيستردىڭ ايتۋىنشا، سپورتشىلاردىڭ بيۋدجەتتەن تىس بولىنگەن سىياقىلارى تارتىپ الىنبايدى. ءبىراق ولاردى جازالاۋدىڭ بىرنەشە ءتۇرى بار.
«ءبىز جازالاۋدىڭ ەڭ جەڭىل ءتۇرى بولۋى ءۇشىن بارىن سالىپ جاتىرمىز. بىرىنشىدەن، سپورتشىلاردى ويىنداردان شەتتەتۋ. ەكىنشىدەن، بۇعان دەيىن جەتكەن جەتىستىكتەرىن جويۋ. ال كەيىن بۇدان دا قاتاڭ جازالاردى قولدانامىز. مەدالدارىن قايتارۋ. ءومىر بويى سپورتتان شەتتەتۋ. جازالاۋدىڭ باسقا دا تۇرلەرى بار. مىسالى، وليمپيادا ويىندارىنداعى ناتيجەلەرىن جويۋ. بۇدان دا قاتاڭ جازالار تابامىز. سونىمەن قاتار، باسقا دا حالىقارالىق جارىستاردا العان جۇلدەلەرىنە قاتىستى ءتۇرلى شارالاردى قولدانامىز»، - دەدى مينيستر.
سونىمەن قاتار، ءمينيستردىڭ ايتۋىنشا، مەملەكەتتىك سىياقىلار ماسەلەسى دە مۇقيات قارالاتىن بولادى.
«مۇنى زاڭ اياسىندا شەشۋ كەرەك. حالىقارالىق وليمپيادا كوميتەتىنىڭ شەشىمى شىققان سوڭ، وتىرىس بولادى. سول وتىرىستان كەيىن بارلىعى شەشىلەدى. ءبىراق مۇندا ءبىر ماسەلە تۋىنداپ وتىر. ەڭ جوعارى ورگان بار. ول - حالىقارالىق وليمپيادا كوميتەتى. ولار شىعارعان شەشىمدى ءبىز مىندەتتى تۇردە ورىنداۋىمىز كەرەك. سوندىقتان ءبىز وليمپيادا كوميتەتىنىڭ شەشىمىنەن كەيىن سپورتشىلارعا، باپكەرلەرىنە جانە فەدەراتسيا باسشىسىنا قاتىستى شارالار قولدانامىز. «ءبىراق ولار ءبىز ءۇشىن وليمپيادا چەمپيوندارى بولىپ قالا بەرمەك»، - دەيدى مينيستر.
مۇحامەدي ۇلى بيلىك سپورتشىلاردى بارىنشا قولدايتىنىن العا تارتتى.
«ارينە، سپورتشى اۋىر جاعدايدا بولعاندا وعان تاعى قىسىم كورسەتۋ ساياساتى بىزدە جوق. كەرىسىنشە، ءبىز ولاردى بارىنشا قولدايمىز. ولاردىڭ ەلىمىزگە قوسقان ءبىرتالاي ۇلەسى بار. مىسالى، يليا يلين مەكتەپتەر اشىپ جاتىر، بارلىق شاراعا قاتىسىپ ءجۇر. دوكتورلىق ديسسەرتاتسياسىن دا قورعاپ شىقتى. ءبىز يليانى قولداۋىمىز قاجەت. سپورتشىلارىمىزدىڭ ءبىزدىڭ ەلىمىزدىڭ ماقتانارلىق ازاماتتارى ەكەنىن كورسەتۋىمىز كەرەك. سپورتشىلارىمىزعا راقمەت»، - دەپ قورىتىندىلادى ءسوزىن مۇحامەدي ۇلى.
Ult.kz
