توعىز جاسار الماتىلىق قىز «دۇنيەجۇزى ارۋى» بايقاۋىنىڭ جەڭىمپازى اتاندى
بۇل تۋرالى 31 -ارنا حابارلايدى.
بايقاۋ گرۋزيانىڭ تبيليسي قالاسىندا ءوتتى. 20 ەلدەن كەلگەن كىشكەنتاي قىزدار كورەرمەندى تالانتىمەن ءتانتى ەتتى. ولارعا الدىن الا ۆيدەو تۇرىندە تانىستىرۋ، ءان ايتۋ، بەينەبايان ءتۇسىرىپ، باستىسى قايىرىمدىلىق شاراسىن ۇيىمداستىرۋ مىندەتتەلگەن بولاتىن. ەلگيزا مەن ونىڭ اتا-اناسى قارتتار ءۇيى مەن جەتىمدەر ۇيىنە بارىپ، كونسەرت قويىپ، سىيلىق تارتۋ ەتكەن.
ۇلتتىق كيىم كورسەتىلىمىندە ءادىلقازىلار القاسى ءبىراۋىزدان ەلگيزانىڭ كويلەگىنە جوعارى بالل بەرگەن.
ەلگيزا ءوز جەڭىسىنە بىردەن سەنە قويمادى. بايقاۋدىڭ جەڭىمپازىن اتاعاندا ول اناسىن جۇباتىپ تۇرعاندىقتان ەستىمەي قالعان.
«مەن وسى جولى جەڭە الماسام كەلەسى بايقاۋعا دايىندالىپ، جەڭىمپاز اتاناتىنىمدى ايتىپ انامدى جۇباتىپ تۇرعانمىن»، - دەيدى ەلگيزا.
«كىشى دۇنيەجۇزى ارۋى» اتانعان ەلگيزا گولليۆۋدتى باعىندىرعىسى كەلەدى.
