مەحيكودا قازاقستان ەلشىلىگىنىڭ عيماراتى اشىلدى - فوتو
اتالعان ءىس- شارا مەكسيكاداعى سوڭعى 10 جىلدا العاشقى يناۋگۋراتسيالاردىڭ ءبىرى بولدى. وعان قازاق دياسپوراسى وكىلدەرى، سىرتقى ساياسي ۆەدومستۆوسىنىڭ باسشىلىعى، مەملەكەتتىك ورگاندارىنىڭ وكىلدەرى، پارلامەنت، ديپلوماتيالىق كورپۋس وكىلدەرى، وپانال (لاتىن امەريكا جانە كاريب الابىندا يادرولىق قارۋعا تىيىم جونىندەگى اگەتتىگى) باسشىلىعى، ىسكەرلىك توپتار وكىلدەرى، سونداي- اق ەلشىلىك دوستارى، بارلىعى 120 دان استام ادام قاتىسقان. سالتاناتتى جيىندا مەكسيكانىڭ سىرتقى ىستەر مينيسترلىگىنىڭ ورىنباسارى كارلوس البەرتو دە يكازا جانە وپانال باس حاتشىسى لۋيس فيليپە دە ماسەدو سۋارەش قۇرمەتتى قوناقتار بولدى.
قازاقستاننىڭ مەكسيكاداعى ەلشىسى اندريان ەلەمەسوۆ ءوزىنىڭ بايانداماسىندا ەلىمىزدىڭ سوڭعى جىلدارداعى ماڭىزدى جەتىستىكتەرى تۋرالى بايانداپ، سونداي- اق قوناقتاردى قازاقستان مەن مەكسيكانىڭ ەكىجاقتى ىنتىماقتاستىعىنىڭ جاعدايى مەن كەلەشەگى تۋرالى ەگەجەي- تەگجەيلى اقپاراتتاندىردى.
ك. ا. دە يكازا مەكسيكا ۇكىمەتى اتىنان قۇتتىقتاۋ ءسوز سويلەپ، قازاقستان رەسپۋبليكاسى باسشىلىعىنىڭ مەكسيكا استاناسىندا ءوزىنىڭ ەلشىلىگىن اشۋ تۋرالى ساياسي شەشىمىنىڭ ماڭىزدىلىعى مەن ءمانىن اتاي وتىرىپ، استانا مەن مەحيكونىڭ الەمدىك كۇن تارتىبىندەگى كوپتەگەن باعىتتارداعى ساياسي ديالوگىنىڭ دامۋى مەن ەكى ەلدىڭ سىرتقى ساياسي بەتالىس باعىتىنىڭ ۇقساستىعىن باسا ايتتى.
ءىس- شارا دوستاستىق جانە مەرەكەلىك جاعدايىندا ءوتتى جانە قالانىڭ رەسمي بيلىگىنىڭ وكىلدەرىن قوسا العانداعى بارلىق قوناقتار قازاقستاننىڭ ەلشىلىگى عيماراتىنىڭ ستراتەگيالىق ورنالاسۋىن اتاپ ءوتتى.
