تۇركى عالىمدارى ۇلت ازاتتىق كوتەرىلىستىڭ قۇرباندارىن ۇنسىزدىكپەن ەسكە الدى

كونفەرەنسياعا قازاقستان، قىرعىزستان، قىتاي، وزبەكستان، رەسەي جانە تاجىكستان ەلدەرىنىڭ عالىمدارى، تاريحشىلار مەن مەملەكەت جانە قوعام قايراتكەرلەرى، ديپلوماتتار مەن جاس زەرتتەۋشىلەر قاتىستى.

TWESCO باسشىسى دارحان ءقىدىرالى كونفەرەنتسيانى اشا وتىرىپ، الدىمەن ازاتتىق جولىندا قۇربان بولعان اتا- بابالارىمىزدى ءبىر مينۋت ۇنسىزدىكپەن ەسكە الۋعا شاقىردى.

«بۇگىن ءبىز جاڭا قۇجاتتار نەگىزىندە تاريحتان تاعىلىم الۋعا، سونداي-اق، 1917 -جىلعى اقپان توڭكەرىسى مەن قازان توڭكەرىسىنە جانە ءبىرىنشى دۇنيەجۇزىلىك سوعىستىڭ اياقتالۋىنا اپارىپ سوققان تەك ورتالىق ازياداعى عانا ەمەس، الەم تاريحىندا ەلەۋلى ورنى بار ۇلكەن وقيعانى بىرگە پايىمداۋ جانە اتاپ ءوتۋ ماقساتىندا جينالىپ وتىرمىز. سوندىقتان، جيىن باستالماس بۇرىن 1916 -جىلعى كوتەرىلىس كەزىندە، ۇلت ازاتتىق قوزعالىس كەزىندە، بوسقىنشىلىق كەزىندە، ودان كەيىن كەلەسى جىلى ءجۇز جىلدىعىن اتاپ وتەتىن الاش قوزعالىسى كەزىندە شەيىت بولعان قۇربانداردى، جالپى، بۇكىل ازاتتىق قۇرباندارىن ءبىر ءسات تاعزىم ەتىپ، ەسكە الۋعا شاقىرامىن» ، - دەدى د. قىدىرالى.

كونفەرەنتسيا اياسىندا ەكى پلەنارلى وتىرىس ءوتتى. ءبىرىنشى وتىرىستىڭ تاقىرىبى - «1916 -جىلعى كوتەرىلىس: تاريحي دەرەككوزدەر جانە جاڭاشا كوزقاراس» تاقىرىبىندا وربىسە، ەكىنشى جالپى وتىرىس - «1916 -جىلعى كوتەرىلىستىڭ ورتالىق ازياداعى تاريحي ىقپالى مەن ءمانى» اتتى تاقىرىپتى قامتىدى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى