قىتايدا پەدوفيلدەردىڭ جەكە مالىمەتتەرى جاريالاناتىن بولادى
بۇل نورما كامەلەتتىك جاسقا تولماعاندارعا قاتىستى زورلىق، سەكسۋالدىق سيپاتتاعى ءىس- ارەكەتى، كامەلەتتىك جاسقا تولماعانداردى جەزوكشەلىككە تارتۋدى ۇيىمداستىرعانى ءۇشىن بەس جىلدان ارتىق مەرزىمگە سوتتالعان تۇلعالارعا قاتىستى. كامەلەتتىك جاسقا تولماعاندارعا قاتىستى سەكسۋالدىق سيپاتتاعى قۇقىق بۇزۋشىلىق بويىنشا اكىمشىلىك جاۋاپكەرشىلىككە تارتىلعان جانە بۇدان كەيىن ەكى جىل ىشىندە زاڭدى قايتا بۇزعان تۇلعالار تۋرالى دەربەس مالىمەت تە جاريالانۋعا جاتادى.
پەدوفيلدەر تۋرالى اقپارات ينتەرنەتكە ورنالاستىرىلادى جانە قىلمىسكەرلەر سوتتالىپ كەلگەننەن كەيىن بەس جىل ىشىندە اشىق قولجەتىمدىلىكتە بولادى.
جاڭا قاعيدا people.cn سايتىندا سۇرالعان 2430 رەسپوندەنتتىڭ 98 پايىز قولداۋىنا يە بولدى.
«بويجەتكەندەردى قورعاۋ» قىتاي ۇكىمەتتىك ەمەس ۇيىمىنىڭ بايانداماسىنا سايكەس، 2015 -جىلى ب ا ق- تا جاريالانعان بالالارعا (340) قاتىستى سەكسۋالدىق سيپاتتاعى قىلمىستاردىڭ 30 پايىزىن بۇرىنعى قىلمىسكەرلەر جاساعان.
قىتاي قوعامىندا اتالمىش قاعيدانى سىسي قالاسىنىڭ بيلىگى ماقۇلداعانىنا قاراماستان، قىتاي قوعامدىق عىلىمدار اكادەمياسىنىڭ ساراپشىلارى بۇل جاڭا وزگەرىس تۇرمەدە بولعان تۇلعالاردىڭ الەۋمەتتىك بەيىمدەلۋىنە كەرى ىقپال ەتەتىنىن اتاپ وتۋدە.
