قاراعاندى وبلىسىنان شەتەلدىك قۋىلدى

بۇل تۋرالى قاراعاندى قالاسىنداعى وكتيابر اۋداندىق سوتىنىڭ باسپا ءسوز قىزمەتى حابارلادى.

«سوت «قاراعاندى وبلىسىنىڭ ءى ءى د» م م شەتەلدىكتى قازاقستان رەسپۋبليكاسىنان قۋۋ تۋرالى ءوتىنىشى بويىنشا ازاماتتىق ءىستى قارادى. ءوتىنىش قاناعاتتاندىرىلدى. رەسەي فەدەراتسياسىنىڭ ازاماتىن سوت قاۋلىسى شىعارىلعان كۇننەن باستاپ 20 كۇن ىشىندە ەلدەن قۋۋ شەشىمى شىعارىلدى»، - دەلىنگەن حابارلامادا.

رەسەيلىكتىڭ «حالىقتىڭ كوشى- قونى تۋرالى» ق ر زاڭىن بۇزعانى ءۇشىن بىرنەشە رەت اكىمشىلىك جاۋاپكەرشىلىككە تارتىلعاندىعى انىقتالدى. ول قازاقستان رەسپۋبليكاسىنا بەلگىلەنگەن كىرۋ، كەلۋ، شىعۋ تارتىپتەرىن ساقتاماعان.

سوتتىڭ اقپاراتىنا سايكەس شەتەلدىك ەلدەن قۋۋ تۋرالى شەشىممەن كەلىستى. ول قازاقستانعا 2009 -جىلى اجەسى مەن اناسىن قاراۋعا كەلگەنىن، 2014 -جىلى تۋىستارى قازا بولعانىن ايتتى. ءوزى قازاقستاندا قالعان، ەش جەردە جۇمىس ىستەمەيدى.

سوت شەشىمى زاڭدى كۇشىنە ەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى