ا ق ش- تا عالىمدار سپيدكە قارسى ەكپە ازىرلەۋدە
(ج ي ت س - جۇرە پايدا بولعان يممۋندىق دەفيتسيتىنىڭ سيندرومى (ج ي ت س، اعىلش. AIDS) - اسا قاتەرلى ۆيرۋستىق دەرت)
بۇل تۋرالى امەريكالىق Nature جۋرنالىندا ا ق ش- تاعى روكفەللەر ۋنيۆەرسيتەتىنەن ميشەل نۋسسەنتسۆايگتىڭ باسشىلىعىمەن عالىمدار توبى جازعان حاتتا ايتىلادى، دەپ حابارلادى ت ا س س.
جاريالانىمعا سايكەس اڭگىمە 3BNC117 كودتىق بەلگىسىمەن «بەيتاراپتاندىرىلعان قارسى دەنەلەر» جايىندا بولىپ وتىر. ول ا ي ت ۆ- عا تابيعي يممۋنيتەتى بار بىرەگەي پاتسيەنتتىڭ ءبىرىنىڭ اعزاسىنان ءبولىندى. ولار ۆيرۋستى جۇقتىرعان كۇندە دە، ولاردا ينفەكسيا دامىمايدى، ياعني، تابيعي جولمەن جويىلادى.
ەندى نۋسسەنتسۆايگ توبى قالىپتى پاتسيەنتتەردەگى ا ي ت ۆ- نى جويۋ ءۇشىن ولارعا وسى قارسى دەنەنىڭ ينەكتسياسىن پايدالانىپ كوردى. قاتاڭ باقىلاۋداعى ۆيرۋس تاسىعىش ەكى توپ كۇندەلىكتى ءدارىنى ءىشۋدى توقتاتتى؛ ونىڭ ورنىنا ينەكتسيا سەرياسى جاسالدى. بارلىق 13 قاتىسۋشىدا ۆيرۋستىق جۇكتەمە سوڭعى ەككەننەن كەيىن 5 اپتادا بارىنشا تومەن كۇيدە قالدى (قالىپتى مەرزىمنەن ەكى ەسە ۇزاق).
التاۋىندا قورعانىس 9 اپتا ارەكەت ەتتى. ءتىپتى 19 اپتالىق رەكورد ورناتىلدى. قولايسىز اسەرلەر بايقالمادى.
Los Angeles Times گازەتىنىڭ حابارلاۋىنشا، نۋسسەنتسۆايگ ا ي ت ۆ/ج ي ت س ءدارىسى جايلى ايتۋ ازىرگە ەرتە ەكەنىن مويىندايدى. ول ساۋ ادامداردى ۆيرۋستى جۇقتىرۋدان قورعاۋ ءۇشىن ەكپە ۇيىمداستىرۋ جايلى ارمانداپ ءجۇر. مۇنداي ەكسپەريمەنتتەر جۇرگىزىلىپ، ءۇمىت ارتاتىن ناتيجەلەرگە قول جەتكىزىلدى.
