اعا سەرجانت ك. گولوۆاتىي مەملەكەتتىك ءتىلدى جەتىك بىلەتىن اسكەري اتاندى - فوتو
«اتالعان بايقاۋعا قۇرلىق اسكەرلەرىنىڭ، اسكەرلەردى پاتەرلەرگە ورنالاستىرۋ باس باسقارماسىنىڭ، بايلانىس باس باسقارماسىنىڭ، اسكەري پوليتسيا باس باسقارماسىنىڭ، سپورت كوميتەتى - ارميا ورتالىق سپورت كلۋبىنىڭ جانە 14776 اسكەري ءبولىمىنىڭ ۇلتى قازاق ەمەس اسكەري قىزمەتشىلەرى قاتىستى»، دەلىنگەن مينيسترلىكتىڭ حابارلاماسىندا.
بايقاۋ قورىتىندىسى بويىنشا ءبىرىنشى ورىندى 55765 اسكەري بولىمىنەن اعا سەرجانت كونستانتين گولوۆاتىي جەڭىپ الدى. ەكىنشى ورىن - ق ر ق ك قۇرلىق اسكەرلەرىنىڭ باس قولباسشىلىعىنىڭ اسكەري قىزمەتشىسى اعا لەيتەنانت تيمۋر حۋرسانبەككە، ال ءۇشىنشى ورىن - ق ر ق ك اسكەري پوليتسيا باس باسقارماسىنىڭ اسكەري قىزمەتشىسى كاپيتان حۋرسانبەك ماحمۋدوۆقا بۇيىردى.
بايقاۋ ءۇش كەزەڭنەن تۇردى. ءبىرىنشى كەزەڭدە قاتىسۋشىلار م. ماقاتايەۆتىڭ ولەڭدەرىن جاتقا وقىسا، ەكىنشى «پوليگلوت» كەزەڭىندە سايىستى، ال ءۇشىنشى كەزەڭدە ءۇي تاپسىرماسىنىڭ سۇراقتارىنا جاۋاپ بەرۋدەن جارىستى. بايقاۋدىڭ ءار كەزەڭدەرىندە اسكەري قىزمەتشى ءسوز سويلەۋ مانەرى مەن شەبەرلىگىن، ادەبي ءتىل بايلىعى مەن سوزدىك قورىن كورسەتۋى ءتيىس بولاتىن.
ق ر قارۋلى كۇشتەرىنىڭ اسكەري قىزمەتشىلەرى ءۇشىن مەملەكەتتىك ءتىلدى ۇيرەنۋ مۇمكىندىگى بار ەكەنىن ايتا كەتكەن ءجون. اسكەري قىزمەتشىلەر ءبىر دەڭگەيدەن ەكىنشى دەڭگەيگە ءوتىپ وتىرۋىنا بايلانىستى جىلدا وقيتىندار سانى وزگەرەدى، ال قازاق ءتىلىنىڭ تەرەڭدەتىلگەن كۋرسىن اياقتاعاندار وقۋدى ءتامامدايدى. ءتىلدى دايارلاۋ ءۇش دەڭگەيدە وتەدى. ولار - باستاپقى، جالعاستىرۋشى جانە تەرەڭدەتىلگەن دەڭگەيلەر. مەملەكەتتىك ءتىلدى وفيتسەرلەر مەن قىزمەتكەرلەر عانا ەمەس، سونىمەن قاتار ق ر قارۋلى كۇشتەرىنىڭ باسشىلىق جانە كوماندالىق قۇرامى دا وقيدى.
