قازاق كۇرەسىنىڭ سپورتتىق كۇرتەشەسىنە وزگەرىس ەنگىزىلدى

بۇل تۋرالى «قازاقستان بارىسى» رەسپۋبليكالىق تۋرنيرىنىڭ قارساڭىندا ايتىلدى. فەدەراتسيانىڭ ۆيتسە-پرەزيدەنتى سادىق مۇستافايەۆ قازاق كۇرەسى ەرەجەسىنە ەنگىزىلگەن وزگەرىستەر تۋرالى مالىمدەسە، اتقارۋ كوميتەتىنىڭ مۇشەسى، پروفەسسور ەلەمەس ءالىمحان ۇلى قازاق كۇرەسىنەن بالۋانداردىڭ سپورتتىق كيىمىنە ەنگەن وزگەرىستەر بارىن جاريا ەتتى.

وزگەرتىلگەن كۇرتەشە الدىڭعى قولدانىستا كەلگەن كۇرتەشەگە قاراعاندا تىعىز، ءارى ساپالى ماتادان تىگىلىپ، جەڭ ۇزىندىعى قولدى تومەن ۇستاعاندا شىنتاق بۋىنىنان 5 سانتيمەتر تومەن، شالبار بالاعىنىڭ ۇزىندىعى تىزە بۋىنىنان 10 سانتيمەترگە تومەن ءتۇسىرىلدى. جاڭا سپورتتىق كيىم ۇلگىسىن تۇڭعىش «قازاقستان بارىسى» اتانعان ۇلان رىسقۇل جانە ەكى دۇركىن «قازاقستان بارىسى» - بەيبىت ىستىبايەۆ كوپشىلىك قاۋىمعا تانىستىردى.

ايتا كەتەيىك، جىل سايىن پرەزيدەنت جۇلدەسى ءۇشىن وتەتىن «قازاقستان بارىسى» رەسپۋبليكالىق ءتۋرنيرى بيىل التىنشى رەت وتكەلى وتىر. جۇلدە قورى قوماقتى دودا بيىل التىنشى رەت ۇيىمداستىرىلىپ، وعان ەل بويىنشا وتىز بالۋان جولداما الدى. ءتۋرنيردىڭ جالپى اقشالاي جۇلدە قورى 41400000 تەڭگەنى قۇرايتدى. سونداي-اق، 1- ورىنعا - 25000000 تەڭگە، 2-ورىنعا - 5500000 تەڭگە، 3-ورىنعا - 1800000 تەڭگە مولشەرىندە اقشالاي سىيلىق تاعايىندالعان. بۇعان قوسىمشا ءبىرىنشى ورىن العان بالۋانعا استانادان پاتەر بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى