مادەنيەت جانە سپورت ءمينيسترى جۋرناليستەردى كاسىبي مەرەكەسىمەن قۇتتىقتادى - فوتو
بايلانىس جانە اقپارات قىزمەتكەرلەرىنىڭ كۇنىنە وراي مينيستر جۋرناليستەرگە العىس حات پەن قۇرمەت گراموتالارىن تابىستادى، سونداي-اق، باعالى سىيلىقتار تابىس ەتتى.
جۋرناليستەردى قۇتتىقتاعان ارىستانبەك مۇحامەدي ۇلى بۇل سالانىڭ ماماندارى قوعام مەن بيلىك اراسىنداعى بەرىك كوپىر ەكەنىن، جۋرناليستەردىڭ جۇمىسى كۇندىز-ءتۇنى توقتاۋسىز جۇرەتىن، جۋرناليستەر قازاقستاننىڭ دامۋىنا سۇبەلى ۇلەس قوسىپ كەلە جاتقان ماماندار ەكەنىن اتاپ ءوتتى.
ءمينيستردىڭ قۇتتىقتاۋى اياسىندا «مەملەكەتتىك ءتىل جانە ب ا ق» رەسپۋبليكالىق بايقاۋىنىڭ جەڭىمپازدارى ماراپاتتالدى. ايتا كەتەيىك، بايقاۋعا قاتىسۋ ءۇشىن ەلىمىزدىڭ وڭىرلەرىنەن 200 گە تارتا جۋرناليست ءوز جۇمىستارىن ۇسىنعان ەكەن. بايقاۋدىڭ جەڭىمپازدارى «ۇزدىك ماقالا»، «ۇزدىك تەليەۆيزيالىق باعدارلاما»، «ۇزدىك راديوحابار» جانە «سايتتاعى ۇزدىك ماقالا» اتتى نوميناتسيالار بويىنشا ماراپاتتالدى.
ۇيىمداستىرۋشىلاردىڭ ايتۋىنشا، جەڭىمپازداردىڭ كوبى - ايماق تىلشىلەرى.
